NEHEMÍAS 10 - Quichua Imbabura 2016

1Paicunapaj shutita quilcajcunaca: Hacalías runapaj churi mandaj Nehemías, Sedequías,

2Seraías, Azarías, Jeremías,

3Pasur, Amarías, Malquías,

4Hatús, Sebanías, Maluc,

5Harim, Meremot, Obadías,

6Daniel, Ginetón, Baruc,

7Mesulam, Abías, Mijamín,

8Maazías, Bilgai, Semaías shuti runacunami carca. Paicunaca, sacerdotecunami carca.

9Levitapuramandaca: Azanías runapaj churi Jesúa shuti runapash, Henadad shuti runapaj mirai Binúi shuti runapash, Cadmiel shuti runapashmi carca.

10Paicunapaj huauquipuramandaca: Sebanías, Hodías, Kelita, Pelaías, Hanán,

11Micaía, Rehob, Hasabías,

12Zacur, Serebías, Sebanías,

13Hodías, Bani, Beninu shuti runacunami carca.

14Gentecunata mandajcunamandaca: Paros, Pahat-moab, Elam, Zatu, Bani,

15Buni, Azgad, Bebai,

16Adonías, Bigvai, Adín,

17Ater, Ezequías, Azur,

18Hodías, Hasum, Bezai,

19Harif, Anatot, Nabai,

20Magpías, Mesulam, Hezir,

21Mesezabeel, Sadoc, Jadúa,

22Pelatías, Hanán, Ananías,

23Oseas, Hananías, Hasub,

24Halohes, Pilha, Sobec,

25Rehum, Hasabna, Maasías,

26Ahías, Hanán, Anán,

27Maluc, Harim, Baana shuti runacunami carca.

28Huaquin gentecuna, sacerdotecuna, levitacuna, Diospaj huasi pungupi ricujcuna, candajcuna, Diospaj huasipi imatalla rurajcunapashmi tandanajurca. Shuj llactapi causajcunamanda shicanyashpa,Taita Dios mandashcata pactachishpa causajcunapash, paicunapaj huarmicunandi, ña yuyaita charij churicunandi ushicunandimi tandanajurca.

29Taita Diospajta ruraj Moisesman cushpa, Taita Dios mandashcata pactachishpa causashun nishpa juramentungapami, paicunapaj huauquicunandi, mandajcunandi tandanajurca. Ñucanchita Mandaj Jatun Diosca, tucui mandashca shimicunata pactachishpa causachunmi cushca carca.

30Ñucanchi ushicunataca, cai llactapi causajcunapaj churicunahuanga, na cazarachishunllu. Ñucanchi churicunatapash, paicunapaj ushicunahuanga na cazarachishunllu.

31Shinallata samana punllapi cashpapash, Diospajlla shicanyachishca shuj punllacunapi cashpapash, shuj llacta gentecuna imata jatungapa shamujpipash, granocunata jatungapa shamujpipash imatallapash na randishunllu. Shinallata canchis huata tucujpica, alpacunatapash na tarpushpami samachishun. Tucui imata mañachishcatapash na cuhuai nishpa saquishunllami.

32Ñucanchillata ari nishcata pactachingapami, ñucanchi Taita Diospaj huasita shayachingapa, chuscu gramotashna pezaj culquitapash huatapi huatapi cungapa, tucuicuna ari ninajurcanchi.

33Chai culquica, Samana punllacunapi, llullu luna punllacunapi, jatun micui punllacunapi Diosman cuna tandapaj, Diosman cuna ofrendata punllandi cungapa, Diosman animalta cushpa punllandi rupachingapami canga. Shinallata, Diosman shicanyachishcacunata cungapapash, Israelcunapaj juchamanda cushpa animalta huañuchingapapash, ñucanchi Taita Diospaj huasipi tucui ruranacunata rurachumbashmi canga, ninajurcanchimi.

34Sacerdotecunapash, levitacunapash, tucui Israelcunapashmi, ñucanchi Taita Diospaj huasiman ima punlla yamdata apamunata yachangapa, pipaj urmajta rurashpa ricurcanchi. Chaitaca, mandashcapi nishcashnami, ñucanchi taitacunapaj huasi ucupuracuna imashna cashcashnallata, ima huatacunapi cajpipash, ñucanchita Mandaj Diospaj altarpi rupachingapa, yamdata apamuchun yachangapa rurarcanchi.

35Ñucanchi pambacunapi punda fucushcacunatapash, tucui yuracunapi punda fucushcatapashmi, Mandaj Diospaj huasiman huatapi huatapi apamushun ninajurcanchi.

36Shinallata, ñucanchi punda churicunatapash, punda huacharishca huagracunatapash, mandashcapi nishcashnami, ñucanchi Taita Diospaj huasiman apamushun nircanchi. Punda huacharishca huagracunata, llamacunatapashmi, ñucanchi Taita Diospaj huasipi Diospajta ruraj sacerdotecunaman apamushun nircanchi.

37Punda masashca tandata, ofrendacunata, tucui yuracunapi punda fucushca granocunata, punda llujshishca vinota, aceitetaca sacerdotecunamanmi, ñucanchi Taita Diospaj huasiman apamushun ninajurcanchi. Ñucanchi pambapi fucushcacunataca, levitacunamanmi, chungamanda shujguta apamushun nircanchi. Tucui pueblocunapi ñucanchi pambacunapi fucushca granocunataca, levitacunami chungamanda shujguta japina carca.

38Chungamanda shujguta levitacuna japinajujpica, Aaronbaj mirai shuj sacerdotemi, levitacunata cumbanga. Chungamanda shujguta japishpaca, levitacunallatami cutin shuj chungamanda shujguta anchuchishpa, ñucanchi Taita Diospaj huasipi alichina ucuman alichingapa apanga.

39Chai alichina ucumanmi Israelcunandi, levitacunandi, Diosman carashca granocunata, vinota, aceiteta apana carca. Chaipillatami, Diospaj huasipi ima charishcacunatapash alichina carca. Chai huasipillatami, Diospajta ruraj sacerdotecunapash, pungupi ricujcunapash, candajcunapash causanajun. Chashna rurashpami, ñucanchi Taita Diospaj huasitaca, napacha saquishun ninajurcanchi.