1Mandaj Dioslla,
fiñarishca cashpaca ama rimahuaichu.
Ama ninanda fiñarishpa llaquichihuaichu.
2Mandaj Dioslla,
ñucaca huañujunimari, chaimanda llaquihuayari.
Mandaj Dioslla,
ñuca nanaita anchuchipayari.
Ñuca tullucunaca, nanaihuan chaupirijunmari.
3Ñucaca ninan manllaihuanmi musparijuni.
Mandaj Dioslla,
¿ima punllata ricugrihuangui?
4Mandaj Dioslla,
yanapashpa ñuca almata cacharichipayari.
Cambaj ninan juyaihuan quishpichihuayari.
5Huañushpaca, Canda yarishpa causanaca tucuringami.
Seolpicarin, ¿pita Candaca alicachingayari?
6Ninanda llaquirishpa huacajushpami, ña tucurijuni.
Tucui tutacunami, huacashpalla pacarijuni.
Ñuca viquihuanmi jatanatapash mutiyachijuni.
7Huacajushpallatami, ñavipash amsayajuhuan.
Ñucata llaquichijcunapaj jahuami, ñuca ñavica ñausayashpa, na ricui ushajun.
8Na alita rurajcuna, ñuca ñaupajmanda anchurichi.
Mandaj Diosca, ñuca huacajujta uyahuashcami.
9Mandaj Diosca, ñuca ninanda mañajujta uyahuashcami.
Mandaj Diosca, ñuca mañajujta chasquipashcami.
10Ñucata fiñajcunaca, tucuicunami ninanda pingai tucushpa musparinajunga.
Cungashcapi pingaichijpimi tigranajunga.
Who We AreWhat We EelieveWhat We Do
2025 by iamachristian.org,Inc All rights reserved.
