1¡Jatun mandajpaj ushigulla!
Cambaj chaquicunaca, pargateta churajushca juyaillagumi!
Cambaj cinturapash, imatapash juyaillaguta ruranata ali yachajcuna rurashcashna, juyaillagupachami.
2Cambaj pupuguca, vinota churana juyailla copagushnami.
Cambaj vijsapash, mundunashca trigota, lirio sisacuna muyushcashnami.
3Cambaj chuchucunapash, ishcai huacharishca tarugacunashnami.
4Cambaj cungaca, marfilhuan rurashca torreshnami.
Cambaj ñavicunaca, Hesbón pueblopi, Bat-rabim shuti punguman chayanapi tiyaj,
punchapamba yacu llujshishun pugyucunashnami.
Cambaj singaca, Libanopi tiyajuj torre, Damasco pueblota ricujujshnami.
5Cambaj umapash, Carmelo urcushnami.
Cambaj ajchapash, yana puca puchagushnami.
Jatun mandajca chai ajchatami ninandapacha juyashpa ricujun.
6¡Ñucata cushichij, ñuca juyashca huarmigulla!
¡Canga, juyaillagupachami cangui!
7Canga, palmera yurashnami viñashcangui.
Cambaj chuchucunaca, uvacuna junda ishcai malquicunashnami.
8Ñucaca: “Palmera yurata vichai rishpa, malquicunata japisha” yajurcanimi.
Cambaj chuchucunaca, uvacuna junda ishcai malquicunashnami.
Cambaj shimigupash, manzanacunashna mishquillagu ashnajunmi.
9Cambaj shimica, ashtahuan ali vinoshnami.
Ñuca juyashca cusagu juyailla ufiashca vinoshnami.
Vinoca, rucucunatapash rimachingallami.
Huarmi candashcami10Ñucaca, ñuca juyashca cusagupajmi cani,
paica ñucahuanmi cushijuita charin.
11Ñuca juyashca cusagulla,
pambacunaman llujshingapa shamuilla.
Azahar sisa chaupicunapi pacarigrishunlla.
12Tutamandata jatarishpa uva chagraman jaculla.
Uvacuna fucushca cajta, na fucushca cajta ricungapa jaculla.
Granadacuna sisanajun, na sisanajunda ricungapa jaculla.
Chaipimi canda ninanda juyashcata ricuchisha.
13Mandrágora yuracunami juyailla ashnajun.
Ñucanchi huasi canllapimi, shican shican mishqui murucuna fucushca.
Ñuca juyashca cusagulla,
canman carangapami, cunanlla fucushca murutapash,
punda fucushca murutapash ña alichircani.
Who We AreWhat We EelieveWhat We Do
2025 by iamachristian.org,Inc All rights reserved.
