1Mandaj Dios ñuca mañashcata uyajpimi, ninanda juyani.
Paimi, ñuca mañajushcataca uyahuarca.
2Paimi, ñuca mañashcata uyahuarca.
Chaimandami, ñuca causaicaman mañajushalla.
3Huañuna llaquicunaca, huascahuan huatashcashnami charijuhuarca.
Seolman rinataca ninandami manllarcani.
Ninan nanaihuan, llaquihuanllami causajurcani.
4Mandaj Diospaj shutipimi cashna mañarcani:
“Mandaj Dioslla,
cunanga ñucata quishpichihuayari” nircanimi.
5Mandaj Diosca, ninanda juyashpa, imatapash alitallami ruran.
Ari, ñucanchi Taita Diosca ninandapachami juyan.
6Mandaj Diosca, na jariyashpa causajcunatami huacaichin.
Ñucataca, huañunalla sirijujtami quishpichihuarca.
7Cunanga, tucuimanda samanallami cani.
Mandaj Diosmi, imatapash alitalla rurahuashca.
8Canmi, ñucataca huañuimanda quishpichircangui.
Huacashpalla causanamandapash samachihuarcanguimi.
Nitijashpa urmanamandapash jarcahuarcanguimi.
9Mandaj Diosta cazushpami causasha.
Cai pachapica, Can munashcashnami causasha.
10Crishpami cashna nircani.
Ninan llaquihuan cashpapash, Diostami crijuni.
11Llaquihuan musparijushpami:
“Tucui runacunallatami llullanajun” nircani.
12Mandaj Diosmanga ¿imatata cushayari?
Tucuita ñucaman cushcamandaca, ¿imatata cushayari?
13Can quishpichishcamandami, ninanda cushijuni.
Mandaj Diospaj shutitami alicachijushalla.
14Cunanga, Mandaj Diosman cusha nishcatami pactachisha.
Pai agllashcacunapaj ñaupajpimi pactachisha.
15Mandaj Diosca,
Paipajlla causajcuna huañujpica, ninan juyaihuanmi chasquinga.
16Mandaj Dioslla,
Cambajta rurajmi capani.
Cambajta ruraj huarmipaj churi, Cambajta rurajmi capani.
Canmi, ñuca huatai tucushcamandaca cacharichircangui.
17Candaca ninanda alicachishpami, candajusha.
Mandaj Diospaj shutitami, alicachijushalla.
18Cunanga, Mandaj Diosman cusha nishcatami pactachisha.
Pai agllashcacunapaj ñaupajpimi pactachisha.
19Mandaj Diospaj huasi patiocunapimi pactachisha.
Jerusalenlla, cambaj chaupipimi cupasha.
Aleluya.
Who We AreWhat We EelieveWhat We Do
2025 by iamachristian.org,Inc All rights reserved.
