1Taita Dioslla,
ñuca shungupica Canda alicachinatallami yariajuni.
Salmocunata taquishpa candashpami, ninanda cushijusha.
2Salteriopash, arpapash, rijcharichiyari.
Ñucaca tutamandatami jatarisha.
3Mandaj Dioslla,
Candaca gentecunapaj chaupipimi alicachijusha.
Candaca llactacunapaj chaupipimi, salmocunahuan candajusha.
4Cambaj ninan juyaica, jahua pachacaman jatumpachami.
Can na llullaj canapash, jahua pachacamanmi.
5Taita Dioslla,
jahua pachapica ninanda jatunyachi tucushca capangui.
Tucui cai pachapica, Cambaj ninan ushaita ricuchipangui.
6Can juyashpa agllashcacuna cachari tucuchunga,
Ñuca mañajujta uyashpa, Cambaj ninan ushaihuan quishpichipayari.
7Taita Diosca, Paipajlla huasipica cashnami nijurca:
“Ñucaca ninandami cushijusha.
Siquem shuti pueblotapash, Sucot shuti pugru pambatapash chaupishpami cusha.
8Galaad llactapash, Manasés llactapash Ñucapajmi.
Efraín llactaca, Ñuca umapi churajunashnami.
Judá llactaca, Ñuca mandana vara caspishnami.
9Moab llactaca, yacuta japishpa maillarina mangashnami.
Ñuca chaquipi churajunataca, Edom llactapimi shitasha.
Filistea llactata mishashpami ninanda cushijusha” nijurcami.
10Muyundi jatun pircahuan pueblomambash, ¿pita pushahuangayari?
Edom llactacamanbash, ¿pita pushahuangayari?
11Taita Dioslla,
¿nachu ñucanchita jichushpa saquij Diosllata pushana cangui?
Taita Dioslla,
¿nachu ñucanchi macanajuj runacunahuan pacta llujshin carcangui?
12Ñucanchita fiñajcunata mishangapa yanapahuayari.
Runacuna yanapashcapash, yangallatami.
13Taita Dioshuanga, jatun manllarinacunata rurashunllami.
Paimi, ñucanchita fiñajcunataca tucuchinga.
Who We AreWhat We EelieveWhat We Do
2025 by iamachristian.org,Inc All rights reserved.
