1Mandaj Diosmi mandajun.
Tucui gentecunami manllana canguichi.
Diosca, querubín angelcunapaj chaupipimi mandajun.
Tucui cai pachami manllana canguichi.
2Mandaj Diosca, Sion pueblopica ninan ushaihuanmi ricurin.
Tucui gentecunatami, ninan ushaihuan mandajun.
3Tucuicuna manllana Diospaj shutitami alicachina canguichi.
Paica jucha illaj Diosmi.
4Alicachi tucushpa tiyajuj Jatun Dios, Canga alitalla rurajmi cangui.
Canmi, tucuicunaman aliguta causanata ricuchishcangui.
Canmi Jacobpaj miraicunamanga, alitalla rurashpa, tucuita pactachishcangui.
5Ñucanchita Mandaj Taita Diostami, jatumbi churana canguichi.
Paipaj ñaupajpimi cungurina canguichi.
Paica jucha illaj Diosmi.
6Moiseshuan, Aaronhuanga, Paipaj sacerdotecunami carca.
Samuelca, Paipaj shutipi mañajmi carca.
Mandaj Diosta mañajpica, Paica uyarcami.
7Pilarshna shayajuj fuyumandami, paicunahuanga parlajurca.
Paicunaca, imashna causanata yachachishcatapash
pactachinajuchun cushca shimicunatapash, pactachishpami causanajurca.
8Ñucanchita Mandaj Taita Dioslla,
Canmi paicuna mañashcataca uyashpa pactachiparcangui.
Paicuna na alita rurashcata perdonaj Taita Diosmi carcangui.
Paicuna imatalla rurashcacunamandapash, chashnallatami curcangui.
9Ñucanchita Mandaj Taita Diostaca, jatumbi churaichiyari.
Jucha illaj, Paipajlla urcupi cungurichiyari.
Ñucanchita Mandaj Diosca, jucha illaj Taita Diosmi.
Who We AreWhat We EelieveWhat We Do
2025 by iamachristian.org,Inc All rights reserved.
