1Ñuca Taita Dioslla huacaichihuayari,
Candallami yariajupani.
2Mandaj Diostaca:
“Canmi, ñucata Mandaj cangui,
ñucapaca, ashtahuan shuj Diosca pipash na tiyanllu” nircanimi.
3Ñuca llactapuramanda, Canda alicachinajujpimi,
ñucapash ninanda cushijuni.
4Rurashcalla diosta alicachijcunaca ashtahuanmi llaquichi tucunga.
Ñucaca, chai dioscunamanga animalcunapaj yahuartaca napacha carashpa talishachu.
Chaicunapaj shuticunataca, ñuca shimihuanga napacha rimashachu.
5Canllami, tucui ñuca causaipi ricushpa Mandaj Dios capangui.
Canllami, ñucata shinllichishpa charij Dios capangui.
6Ñucaman alpata cungapa tupujpica, alipacha pushtupimi urmarca.
Ñucaman cushca alpaca, juyaillagupachami.
7Ñucaman ali yuyaita cuj Mandaj Diostami alicachisha.
Yana tutapipash, Can yachachishcami pushahuan.
8Ñuca tucui causaipimi, Mandaj Diostaca yarishpa causani.
Can, ñucata shinllichijpimi, napacha pandashpa causasha.
9Chaimandami, shungu junda ninanda cushijurcani.
Ñuca causaipipash, imatapash na manllashpami samasha.
10Ñucataca, Seolman richunga napacha saquihuanguichu.
Cambajlla cashcamandaca, ñuca aicha ismuchumbash na saquihuanguichu.
11Imashna ali causaita charinatami yachachihuangui.
Cambaj ñaupajpica, ninan cushijuimi tiyapan.
Cambaj ñaupajpica, causaita causaicamanmi juyailla causapasha.
Who We AreWhat We EelieveWhat We Do
2025 by iamachristian.org,Inc All rights reserved.
