1Salomonga, pai causana huasitapash shayachishpami, chunga quimsa huatapi tucuilla tucuchirca.
2Shinallata, “Líbano quirucuna” nishpa shutichishca shuj huasitapashmi rurarca. Chai huasica, chuscu chunga picha metro jatun, ishcai chunga ishcai metro chaupi anchomi carca. Vichaimanga, chunga quimsa metro chaupimi carca. Chai huasitaca, cedro caspita rurashca pilarcunata, chuscu filata shayachishpami rurarca. Chai jahuapimi, cedro caspicunatallata quinraiman sirichishpa churarca.
3Chai pilarcunataca, quimsa filapimi, chunga picha chunga picha shayachirca. Tucuimandaca, chuscu chunga picha pilarcunami carca. Chai pilarcunapi, vigata churashca jahuapimi, cedro tablacunahuan quilpashca carca.
4Shinallata quimsa fila ventanatapashmi rurarca. Chai ventanacunaca, quimsa fila, quimsa fila rurashcami chimbapura tiyanajurca.
5Chai huasi pungucunapash, pilar caspicunapash, tucuillami chuscu manñata charirca. Ventanacunapash, quimsa fila quimsa fila rurashcami chimbapura tiyanajurca.
6Shinallata, pilarcunata shayachishpami, yaicuna ucutaca rurarca. Chaica, ishcai chunga ishcai metro chaupi jatunmi carca. Anchoca, chunga quimsa metro chaupimi carca. Chai yaicuna ucuca, punda shayachishca yaicuna ucu chimbapurapimi, pilarcunahuan, caspicunahuan rurashca carca.
7Shinallata, fiñanajuita alichingapa tiyarina shuj ucutapashmi rurarca. Chaitaca, alpamandapacha jahuaman chayajtami, cedro tablacunahuan quilparca.
8Salomón causajuj huasitapash, huasha patiota yaicuna ucutapash, chashnatallata rurashcami carca. Shinallata Faraonbaj ushi, Salomonbaj huarmi causachumbash, chashnallata huasitami rurarca.
9Ucu callarimanda, jahua tucuri pircacaman, canllamambash, ucumambash, canllamanda ucu jatun patiocaman, juyailla rumicunahuan alitapacha rurashcami carca. Chai rumicunaca, aligutapacha tupushpa, cuchushpa shinllita churashcami carca.
10Callaripi churashca rumicunaca, juyailla jatun mulun rumicunami carca. Chai rumicunaca, chuscu metro chaupita, quimsa metro sucta chunga centimetrota charijcunami carca.
11Chaimanda jahuamambash, chashnallata aligutapacha llagllashpa juyaillaguta rurashca rumicunata, cedro caspicunata churashcami carca.
12Chai jatun patio muyundipica, llagllashpa juyaillaguta rurashca rumicunata quimsa filata churashca, shuj filataca cedro caspicunahuan pircashpa rurashcami carca. Mandaj Diospaj huasi ucupipash, paipaj huasi ucupipash, chashnallatami rurashca carca.
Salomonga, Tiro shuti pueblomanda Hiram shuti runatami tucuita rurachun churashca(2 Crón. 2:13-14; 3:15-17)13Jatun mandaj Salomonga, Tiro shuti pueblomanda, Hiram shuti runatami pushachun cacharca.
14Paica, Neftalí ayllupuramanda shuj sapalla mamagupaj churimi carca. Paipaj taitaca, Tiro pueblomanda bronceta imatalla ruranata ali yachaj runami carca. Hiram runapash, bronceta imatalla rurangapaca, ali yachaj, ali yuyaita charij, ali yachajushcami carca. Paica, jatun mandaj Salomonbajman shamushpami, tucuita rurajurca.
15Paica, bronceta yacuyachishpami, ishcai pilarcunata rurarca. Chai pilarcunaca vichaimanga, pusaj metro chunga centímetro, muyundita tupujpica, picha metro chunga centímetromi carca.
16Shinallata, chai pilar umapi churangapapash, bronceta yacuyachishpami ishcai capitelcunata rurarca. Chaicunaca ishcandillatami, ishcai metro ishcai chunga centimetrota charirca.
17Chai pilar umapi churashca capitelcunapi churangapaca, shambashpa linllitashnalla rurashcacunapash, Shinallata, caupushca puchacunahuan cadenatashnalla rurashcapash, tucui capitelcunapi churangapami canchista rurashca carca.
18Shinallata, chai capitelcunata quilpangapaca, granadacunatami linlli muyundipi, ishcai filata rurarca. Caishuj capitelpipash, chashnallatami rurarca.
19Diospaj huasiman yaicuna pungupi shayanajuj pilar umapi churashca capitelcunaca, lirio sisashnallami carca. Chai capitelcunaca, shuj metro pusaj chunga centimetrotami charirca.
20Chai ishcai pilar umapi churashca capitelcunaca, ishcai patsaj granadata linlli jahuapi, ishcai filata muyuchishpa churashcami carca. Chaishuj capitelpash, chashnallatami carca.
21Chai ishcai pilarcunataca, Diospaj huasiman yaicuna pungupimi shayachirca. Ali maquiman shayachishca pilartaca, Jaquín shutitami shutichirca. Lluquiman shayachishca pilartaca, Boaz shutitami shutichirca.
22Chai ishcai pilar umacunapica, lirio sisacunatashnalla llagllashpa juyaillaguta rurashcatami churarca. Chashnami, chai pilarcunataca ruraita tucuchirca.
Diospaj huasi ucupi imalla tiyanata rurashcamanda(2 Crón. 4:1—5:1)23Shinallata, yacuta churanatapashmi, bronceta yacuyachishpa rurachirca. Chaita muyundi tupujpica, chuscu metro chaupitami charirca. Vichaimanga, ishcai metro ishcai chunga picha centimetromi carca. Chaitaca, chunga quimsa metro chaupita charij, racuta caupushca cabiahuan muyuchishpa huatashcami carca.
24Chai yacuta churana ucumanga muyundipimi, zambu fucushcatashnalla, ishcai filata rurashca carca. Chaicunataca, chuscu chunga picha centímetro carupimi, chungapurata, chai yacu churana ucu muyundipi churashca carca. Chaicunataca, yacuta churanahuan tandachishpa yacuyachishpami, shujtalla rurashca carca.
25Chaica, chunga ishcai huagracunapaj jahuapimi tiyajurca. Chai huagracunaca, quimsaca vichaiman, shuj quimsaca indi huashajunman, caishuj quimsaca uraiman, chaishuj quimsaca indi llujshimujmanmi ricushpa shayanajurca. Chai yacuta churanaca, huagracunapaj jahuapi tiyajujpimi, huagracunapaj huasha chaquicunaca ucuman carca.
26Chai yacuta churanaca, canchis centímetro chaupi racutami rurashca carca. Chai muyundipica, shuj copapaj shimishnalla, na cashpaca, lirio sisa shimishnallami carca. Chaica, chuscu chunga chuscu huaranga litro yacutami apaj carca.
27Shinallata, yacuta churana chunga bronce bazacunatapashmi rurarca. Chaicunaca anchomambash, jahuamambash, shuj metro pusaj chunga picha centimetromi carca. Vichaimambash, shuj metro quimsa chunga picha centimetromi carca.
28Chai bazacunaca, tablacunata shuj marcohuan churashca jahuapimi carca.
29Chai bazacunapaj marcocunapi jahualla churashca tablacunapica, leongunata, huagracunata, querubín angelcunata rurashcami carca. Shinallata, chai bazacunapaj marcocunapica, leongunapaj, huagracunapaj jahuamambash, uramambash, juyaillaguta llagllashpa rurashcami carca.
30Tucui bazacunallatami, broncetallata rurashca chuscu ruedata charirca. Chai ruedacunataca, bronce jirrupillata churachishcami carca. Carreta chuscundi manñacunapica, bronceta yacuyachishpa rurashca jirrutami vichai charichun churashca carca. Chaicunapica, juyailla sisacunatashna llagllashpa rurashcami carca.
31Chai pilunpaj shimi muyundica, juyaillaguta rurashca, chuscu chunga picha centimetrota vichai llujshishcami carca. Chaicunata vichaiman charingapa rurashcacunaca, sucta chunga pusaj centimetromi carca. Chai muyundi shimipica, juyaillaguta llagllashpa marcocunatapash, pillurishca imacunatapash rurashcami carca.
32Chai carretacunapaj chuscundi ruedata churachina jirrucunaca, carreta chaquipillata rurashcami carca. Chai ruedacunata vichai tupujpica, sucta chunga canchis centímetro chaupimi carca.
33Chai ruedacunaca, macanajuna carretapaj ruedashnallami carca. Ruedacunata churachina jirrucunata, ruedacunata, cubocunata, cinchocunataca, tucuillatami yacuyachishpa rurashca carca.
34Chai carretapaj chuscundi manñata churashca repisacunaca, chai carretapillatami yacuyachishpa shujllata rurashcami carca.
35Chai carreta jahuapica, shuj ruedashnallami tiyarca. Chaita vichaiman tupujpica, ishcai chunga ishcai centímetro chaupimi carca. Chai carreta jahuapi churashca ruedashnallapash, tablacunapash, chai carretapillata rurashcami carca.
36Tablata churana marcocunapipash, tablacunapipash, querubín angelcunata, leongunata, palmera quirucunatami, llagllashpa juyaillaguta rurarca. Maipi chashna ruranalla pushtu tiyashcapimi, chashna rurarca. Chai muyundipica, ashtahuan imapash juyaillacunatami rurarca.
37Chashnami chai chunga carretacunataca, chaipuratallata yacuyachishpa, chashnallata jatunda, chashnallata juyaillaguta rurarca.
38Shinallata broncetallatami, chunga piluncunatashnallatapash rurarca. Chaicunaca, tucui piluncunami, pusaj patsaj pusaj chunga litro yacuta apan carca. Vichaiman tupujpica, shuj metro pusaj chunga centimetromi carca. Chai piluncunataca, chai chunga carretacunapaj jahuapimi, shuj shujlla churarca.
39Chashna churashpaca Diospaj huasi ucupimi, pichataca aliman, shuj pichataca lluquiman churarca. Cucha yacutaca, indi llujshimuj uramanmi churarca.
40Shinallata Hiram runaca, jatun pailacunata, japina jirrucunata, jatun tastacunatapashmi rurarca. Chashnami, Mandaj Diospaj huasipi imatalla ruranacunataca, tucuita rurashpa Salomonman cunajurca.
41Ishcai jatun pilarcunatapash, chai pilar umapi churashca capitelcunatapashmi rurarca. Shinallata, ishcai linllicunatapashmi rurarca. Chai linllicunaca, jatun pilar umacunapi churashca capitelcunata quilpashcami carca.
42Granadacunatapash, ishcai linllicunapajmi chuscu patsajta rurarca. Chaicunataca, chai pilarcunapaj umapi churashca capitelcunata muyundi quilpangapami, tucui linllicunapi ishcai filata huarcurca.
43Shinallata, yacuta churana chunga piluntapash, chunga carretacunapimi churarca.
44Yacuta churana jatun piluntapash, chaita vichai huandushca shayanajuj chunga ishcai huagratapashmi rurarca.
45Calderocunata, palacunata, jatun tastacunatapashmi rurarca.
Mandaj Diospaj huasipi tucui imalla tiyanacunataca, punchayachishca broncehuanmi Hiram runaca, jatun mandaj Salomonman rurarca.
46Chai tucui imalla tiyanacunataca, jatun mandajca, Sucot shuti pueblohuan, Saretán shuti pueblohuan chaupipimi, Jordán yacu manñapi tiyaj quillu alpa pambapi rurachirca.
47Chai tucui imalla tiyanacunata rurashcacunaca, ashtacapacha broncecuna cajpimi, Salomonga na pezarca.
48Shinami Salomonga, Mandaj Diospaj huasipi tucui imalla tiyanacunataca rurachirca: Curi altarta, curitallata rurashca mezatapashmi rurachirca. Chai mezapimi, Diosman carana tandacunaca tiyanajurca.
49Shinallata, Diospajlla shicanyachishca ucu chimbapurapica, ashtahuan ali curi candelerocunatami, pichataca aliman, caishuj pichataca lluquiman churarca. Chaicunapica, curita rurashca sisacunandi, lamparacunandi, japina jirrucunandimi churarca.
50Shinallata, funducunata, pavizata anchuchinacunata, uchilla tastacunata, cucharacunata, inciensota churanataca, ashtahuan ali curihuanmi rurarca. Diospaj huasi ucupi tiyaj pungu muyunacunata, Diospajlla shicanyachishca ucuman yaicuna jatun pungu muyunacunata, Diospaj huasiman yaicuna jatun pungu muyunacunatapash curihuanllatami rurarca.
51Jatun mandaj Salomonga, Mandaj Diospaj huasipi tucui imatalla rurangapa munashcatami rurashpa tucuchirca. Chai jipami Salomonga, Diospajlla cachun, paipaj taita David shicanyachishca curita, culquita, ashtahuan ima charishcacunataca, Mandaj Diospaj huasiman aparca. Chaipimi, tucui imatalla charishcacunataca, alichina ucupi churarca.
Who We AreWhat We EelieveWhat We Do
2025 by iamachristian.org,Inc All rights reserved.
