1Mandaj Dioslla,
Canda ninanda mañajujta uyashpa yanapahuayari.
Canda mañajujtaca uyahuayari.
2Ñuca mañashcacunaca,
inciensota cushnichijpishna, Cambaj ñaupajman chayashca cachun.
Ñuca maquita vichai churashcapash, chishipi ofrendata carashcashna cachun.
3Mandaj Dioslla,
ama yangata rimachun saquihuanguichu.
Ñuca shimitaca, punguta vichanshna jarcahuangui.
4Ñuca shungupi na alicunata yarijuchunga, ama saquihuanguichu.
Na alita rurajcunahuan tandanajushpa, paicunashnallata cachunga ama saquihuanguichu.
Paicunapaj jatun micuipi cushijuchumbash, ama saquihuanguichu.
5Alitalla ruraj runacuna ñucata astishpaca, alimi cahuanga.
Na ali gentecuna rimashcacunaca, ñucataca ama llaquichishca cachun.
Ashtahuangarin, na alita rurajcunata llaquichijuchunmi, Candaca mañajupasha.
6Paicunapaj juezcunaca,
jatun rumi jacapi ucuman shitai tucushca cachun.
Na llullashpa rimashca ñuca shimitami uyanajunga.
7Alpata yapushpa, rumita llujchijshnami,
na ali gentecunapaj tullucunataca llujchinga.
Chaicunataca Seol pungupimi, caita chaita shitashca canga.
8Mandaj Jatun Dioslla,
Candaca punllandimi chapariyashpa causajuni.
Ñuca causaipi, Candalla shuyashpa causajujpica, ama jichushpa saquihuanguichu.
9Na ali gentecuna tugllapi urmachun churashcamandaca, huacaichihuangui.
Na alita rurajcuna pandachinajuchunga, amapacha saquihuanguichu.
10Canda na cazujcunaca, paicuna churashca tugllapillata huashajushca cachun.
Ashtahuangarin ñucaca, paicunapaj ñaupatallatami yalijusha.
Who We AreWhat We EelieveWhat We Do
2025 by iamachristian.org,Inc All rights reserved.
