Psalms 76 - Quichua Imbabura 2016

Taita Diosca tucuita mishaj, alitalla rurashpa mandaj cashcamandaCandajcunata mandaj candachijuchun, Neginot shuti taquipi, Asaf shuti runa rurashca Salmomi.

1Taita Diosca, Judá llactapica alipachami rijsin.

Israel llactapipash, Paipaj shutica ninandami jatunyachin.

2Paipaj huasica, Salem pueblopimi.

Pai causana ucuca, Sion lomapimi.

3Chaipimi, arcohuan cacharina flechacunataca faquirca.

Jarcarina escudota, espadata, ima macanajunatapashmi faquirca. Selah

4Canga, tucuita yalij ushaita charijmi cangui.

Jatun urcucunatapash, ashtahuan yali ushaitami charingui.

5Ninan shinlli runacunapash, huañushcami sirinajun.

Chai shinlli runacunaca, shujllapash na macanajui usharcachu.

6Jacobpaj Taita Dioslla,

Canmi chashna llaquichircangui.

Carretacunapash, caballocunapash, na cuyuri ushanajurcachu.

7Canga, tucuicuna manllana Diosmi capangui.

Ninanda Can fiñarishca cajpica,

¿pita Cambaj ñaupajpica shayari ushangayari?

8Jahua pachamandami, Can llaquichinataca villarcangui.

Cai pachapi causajcunaca, ninanda manllarishpami upalla saquirinajurca.

9Taita Dioslla,

tapuchishpa llaquichingapa Can jatarishpaca,

cai pachapi causaj, ali shunguta charijcunatami quishpichircangui. Selah

10Gentecuna fiñajpipash, Canga alimi capangui.

Maijambash Canman tigrarijpica chasquipanguimi.

11Cangunata Mandaj Taita Diosman cusha nishcataca, pactachinapachami canguichi.

Paita cazushpa causajcunaca, tucuicuna manllana Taita Diosmanmi ofrendata apamuna canguichi.

12Cai pachapi mandajcunataca, Paimi llaquipi churan.

Tucui jatun mandajcunami, Diostaca manllan.