1Israelcunaca, Egipto llactamanda llujshimushpaca, macanajuj runacunashna shican shican tandanajushpami, Moiseshuan, Aaronhuan pushamujpi shamunajurca.
2Maimanda Israelcuna llujshishpapash, Mandaj Dios mandajpi imashna shamunajushcatami, Moisesca quilcajurca. Israelcuna maimandalla llujshimushpa, shamushcacunaca cashnami:
3Israelcunaca, Egiptopi tiyaj Ramesés shuti pueblomandaca, huata callari quillapi, chunga picha punllapimi llujshimurca. Pascua punlla micuita rurashca cayandi punllapica, na manllashpami Egiptopi causajcuna ricujta llujshinajurca.
4Egiptopi causajcunaca, punda huacharishca paicunapaj huahuacunata, Mandaj Dios huañuchishcatami pambanajurca. Mandaj Diosca, paicunapaj rurashcalla dioscunatapashmi tucuchishca carca.
5Israelcunaca, Ramesés shuti pueblomanda llujshishpaca, Sucot shuti pushtupimi carpacunata shayachishpa tiyanajurca.
6Sucot shuti pushtumanda llujshishpaca, chaquishca pamba callaripi Etam shuti pushtupimi, carpacunata shayachishpa tiyanajurca.
7Etam shuti pushtumanda llujshishpaca, Baal-zefón shuti pushtu chimbapurapi tiyaj Pi-hahirot shuti pushtuman chayashpami, Migdol shuti pushtu chimbapurapi carpacunata shayachishpa tiyanajurca.
8Pi-hahirot shuti pushtumanda llujshishpaca, Puca Cuchata chimbashpami, chaquishca pambaman chayarca. Etam shuti chaquishca pambataca, quimsa punllata rishpami, Mara shuti pushtupi carpacunata shayachishpa tiyanajurca.
9Mara shuti pushtumanda llujshishpaca, chunga ishcai pugyucuna, canchis chunga palmera quirucuna tiyaj Elim shuti pushtuman chayashpami, carpacunata chaipi shayachishpa tiyanajurca.
10Elim shuti pushtumanda llujshishpaca, Puca Cucha manñapimi carpacunata shayachishpa tiyanajurca.
11Puca Cucha manñamanda llujshishpaca, Sin shuti chaquishca pambapimi, carpacunata shayachishpa tiyanajurca.
12Sin shuti jichushca pambamanda llujshishpaca, Dofca shuti pushtupimi, carpacunata shayachishpa tiyanajurca.
13Dofca shuti pushtumanda llujshishpaca, Alús shuti pushtupimi, carpacunata shayachishpa tiyanajurca.
14Alús shuti pushtumanda llujshishpaca, Refidim shuti pushtupimi, carpacunata shayachishpa tiyanajurca. Chaipica, ufiana yacuca na tiyarcachu.
15Refidim shuti pushtumanda llujshishpaca, Sinaí shuti chaquishca pambapimi, carpacunata shayachishpa tiyanajurca.
16Sinaí shuti chaquishca pambamanda llujshishpaca, Kibrot-hataava shuti pushtupimi, carpacunata shayachishpa tiyanajurca.
17Kibrot-hataava shuti pushtumanda llujshishpaca, Hazerot shuti pushtupimi, carpacunata shayachishpa tiyanajurca.
18Hazerot shuti pushtumanda llujshishpaca, Ritma shuti pushtupimi, carpacunata shayachishpa tiyanajurca.
19Ritma shuti pushtumanda llujshishpaca, Rimón-peres shuti pambapimi, carpacunata shayachishpa tiyanajurca.
20Rimón-peres shuti pushtumanda llujshishpaca, Libna shuti pushtupimi, carpacunata shayachishpa tiyanajurca.
21Libna shuti pushtumanda llujshishpaca, Rissa shuti pushtupimi, carpacunata shayachishpa tiyanajurca.
22Rissa shuti pushtumanda llujshishpaca, Ceelata shuti pushtupimi, carpacunata shayachishpa tiyanajurca.
23Ceelata shuti pushtumanda llujshishpaca, Sefer shuti urcupimi, carpacunata shayachishpa tiyanajurca.
24Sefer shuti urcumanda llujshishpaca, Harada shuti pushtupimi, carpacunata shayachishpa tiyanajurca.
25Harada shuti pushtumanda llujshishpaca, Macelot shuti pushtupimi, carpacunata shayachishpa tiyanajurca.
26Macelot shuti pushtumanda llujshishpaca, Tahat shuti pushtupimi, carpacunata shayachishpa tiyanajurca.
27Tahat shuti pushtumanda llujshishpaca, Tara shuti pushtupimi, carpacunata shayachishpa tiyanajurca.
28Tara shuti pushtumanda llujshishpaca, Mitca shuti pushtupimi, carpacunata shayachishpa tiyanajurca.
29Mitca shuti pushtumanda llujshishpaca, Hasmona shuti pushtupimi, carpacunata shayachishpa tiyanajurca.
30Hasmona shuti pushtumanda llujshishpaca, Moserot shuti pushtupimi, carpacunata shayachishpa tiyanajurca.
31Moserot shuti pushtumanda llujshishpaca, Bene-jaacán shuti pushtupimi, carpacunata shayachishpa tiyanajurca.
32Bene-jaacán shuti pushtumanda llujshishpaca, Gidgad shuti urcupimi, carpacunata shayachishpa tiyanajurca.
33Gidgad shuti urcumanda llujshishpaca, Jotbata shuti pushtupimi, carpacunata shayachishpa tiyanajurca.
34Jotbata shuti pushtumanda llujshishpaca, Abrona shuti pushtupimi, carpacunata shayachishpa tiyanajurca.
35Abrona shuti pushtumanda llujshishpaca, Ezión-geber shuti pushtupimi, carpacunata shayachishpa tiyanajurca.
36Ezión-geber shuti pushtumanda llujshishpaca, Zin shuti chaquishca pambapi tiyaj Cades shuti pueblopimi carpacunata shayachishpa tiyanajurca.
37Cades shuti pueblomanda llujshishpaca, Edom llactaman chimbanapi tiyaj Hor shuti urcupimi, carpacunata shayachishpa tiyanajurca.
38Chaimandaca, Mandaj Dios mandashcashnami, sacerdote Aaronga Hor shuti urcuman vichai rishpa chaipi huañurca. Israelcuna Egipto llactamanda llujshimushcapash, ña chuscu chunga huata tucujpi, chai huatapaj picha quilla, callari punllapimi paica huañurca.
39Aaronga, patsaj ishcai chunga quimsa huatata charishpami, Hor shuti urcupi huañurca.
40Canaán llactamanda, Arad llactata jatun mandajca, Neguev shuti pambacunapimi causajurca. Chaica Canaán llactapillatami carca. Chai mandaj runami,Israelcuna shamushca nijta uyarca.
41Hor shuti urcumanda llujshishpaca, Zalmona shuti pushtupimi, carpacunata shayachishpa tiyanajurca.
42Zalmona shuti pushtumanda llujshishpaca, Punón shuti pushtupimi, carpacunata shayachishpa tiyanajurca.
43Punón shuti pushtumanda llujshishpaca, Obot shuti pushtupimi, carpacunata shayachishpa tiyanajurca.
44Obot shuti pushtumanda llujshishpaca, Ije-abarim shuti pushtupimi, carpacunata shayachishpa tiyanajurca. Chaica Moab shuti llactaman chimbanapimi carca.
45Ije-abarim shuti pushtumanda llujshishpaca, Dibón-gad shuti pushtupimi, carpacunata shayachishpa tiyanajurca.
46Dibón-gad shuti pushtumanda llujshishpaca, Almón-diblataim shuti pushtupimi, carpacunata shayachishpa tiyanajurca.
47Almón-diblataim shuti pushtumanda llujshishpaca, Nebo shuti urcumanda indi llujshimujman tiyaj Abarim shuti lomacunapimi, carpacunata shayachishpa tiyanajurca.
48Abarim shuti lomacunamanda llujshishpaca, Jordán yacu manñapi, Jericó pueblo chimbapurapi tiyaj, Moab pambapimi, carpacunata shayachishpa tiyanajurca.
49Ña chashna shamuita tucuchimushpaca, Jordán yacu manñapi tiyaj, Bet-jesimot shuti pueblomandaca, Abel-sitim shuti pueblocaman, Moab llacta pambacunapimi carpacunata shayachishpa tiyanajurca.
Canaán llactataca chaupirishpami japinajushca50Jordán yacu, Jericó pueblo chimbapurapi tiyaj, Moab llacta pambacunapimi Mandaj Diosca, Moisestaca cashna nijurca:
51“Israelcunataca cashna ningui: ‘Jordán yacuta chimbashpa, Canaán llactaman chayashpaca,
52chai llactapi causajcunataca, tucuillata llujchishpa cachanguichi. Shinallata, rurashcalla dioscunata, jirruta yacuyachishpa imamambash rijchajta rurashca dioscunataca, tucuillata tucuchinguichi. Lomacunapi tiyaj altarcunatapash, tucuillata tucuchinguichi.
53Chai llactapi causajcunata llujchishpa cachashpami, chaipi causana canguichi. Chai llactataca, cangunapaj cachunmi cararcani.
54Alpacunataca, cangunapaj ayllucuna mashna cajpipash, pipaj urmajta ricushpami chaupina canguichi. Ayllupurapi ashtacacuna cajpica, alpatapash ashtacata cunguichilla. Ashalla ayllucuna cajpica, ashatalla cunguichi. Pipaj urmajpipash, chaipimi alpata japinajunga. Paicunapaj ñaupa taitacunapaj miraicuna imashna cashcashnami japinajunga.
55Chai llactapi causajcunata, na tucuillata llujchishpa cachajpi, chaipi saquirishcacunaca, ñavipi ujsha yaicushcashna, cangunata casha tujsijunshnami canga. Paicunami, canguna causanajuj llactapica cangunata llaquichinajunga.
56Na tucuilla llujchishpa cachajpica, paicunata imashna rurangapa Ñuca munashcashnami cangunatapash llaquichisha’ nijunmi nishpa villangui” nijurcami.
Who We AreWhat We EelieveWhat We Do
2025 by iamachristian.org,Inc All rights reserved.
