1Cashnami nin, chaica shinapachami: Crijcunata ricushpa pushaj obispo cangapa munashpaca, alitami rurangapa munan.
2Crijcunata ricushpa pushaj obispoca: Pipash na juchachishca, shujlla huarmihuan cazarashca, aliguta causaj, aliguta yarishpa purij, aliguta alichirishpa purij, huasipipash mingachij, yachachingapapash alichirishcalla shuyajunmi cana.
3Shinallata, na machaj, na fiñanajuj, culquimandalla ima na alitapash na ruraj, ashtahuangarin, pitapash llaquij, fiñanajui tiyajpipash alichij, charijyanatapash na munajmi cana.
4Shinallata, paipaj huasipi causajcunatapash aliguta mandaj, paipaj huahuacunatapash aliguta cazuchishpa viñachij cachun ninimi.
5(Paipaj huasipi causajcunatapash na ali mandai ushashpaca, Taita Diospaj tandanajuj crijcunatacarin, ¿imashnata mandai ushangayari?).
6Chairalla crijcuna, pushaj tucuchunga na churanachu cangui. Paicunaca, diablo umachijpira, ninanda jariyashpa pandarinman.
7Shinallata, na crijcunapash alicachijpimi causana. Diablopaj maquipi urmashpa, na alicachi tucushpa, ama juchachi tucungapami chashna cana.
Diaconocuna imashna causanamanda8Shinallata diaconocunapash: Tucuipi ali cana, “na ishcai shungu” cana, na machaj cana, culquimandalla ima na alitapash na rurajchu cana.
9Shinallata, crishpa quishpirinata Dios caramushcataca, ali yuyaihuambacha yariashpami causana.
10Paicunataca, ali cajta, na ali cajtapash tucuipi ricunarami cangui. Shina ricushpaca, ima juchachinapash illajpillami, diácono cachun churaitaca ushangui.
11Shinallata, Diospajta rurashpa causaj huarmicunapash, tucuipi ali causaj, pitapash na huasha rimashpa purij, ashtahuangarin, aliguta yarishpa causaj, tucui imatapash pactachijcunami cana.
12Shinallata diaconocunaca, shujlla huarmihuan cazarashca cachun. Paipaj huahuacunatapash, paipaj huasi ucupi causajcunatapash ali mandashpa cazuchij cachun ninimi.
13Aliguta pactachij diácono cashpaca, paillatami ninanda alicachi tucunga. Shinallata, Cristo Jesustapash, ninanda crishpami, aliguta yarishpa causanga.
Diosta yarishpa causanaca juyaillagumi14Canda ricungapa ucha risha yajushpapash, caigutarami quilcamuni.
15Ñuca na ucha chayamujpipash, Taita Diosta catijcunata imashna pushanata, can yachachunmi caitaca cachamuni. Paicunaca, causajujlla Taita Diospaj tandanajuj crijcuna cashpami, na llullaj shimitaca, pilar caspishna shinllipacha shayarishpa catinajun.
16Diosta yarishpa causanaca ninan juyaillagumi. Chaitaca, pipash na imata ni ushangachu:
Taita Diosca, aichayuj tucushpami ricurimurca.
Diospaj Espiritumi, Paitaca alitalla ruraj cajta ricuchimurca.
Angelcunapashmi, Paitaca ricunajurca.
Na Israelcunamambash, Paimandami villanajun.
Paitaca, cai pachapi causajcunapash crinajunmi.
Paitaca, jahua pacha punchapamba llactagupimi chasquirca.
Who We AreWhat We EelieveWhat We Do
2025 by iamachristian.org,Inc All rights reserved.
