1Mandaj Diosca cashnami nihuarca:
2“Huañuna aichayuj runa, Seir shuti urcuman ricushpa, imashna paicunata llaquichinata villangui.
3Paitaca cashna ningui:
Mandaj Jatun Diosca, cashnami nijurca:
‘Seir shuti urculla, canhuanga fiñarishcami cani.
Candaca, Ñuca jatun ushaihuanmi llaquichisha.
Candaca, tucuilla tucuchishpami, jichushca pambata saquisha.
4Cambaj pueblocunatapash, tucuillami tucuchisha.
Cambashmi, tucuilla tucuringui.
Chashna rurajpimi Ñucataca, Mandaj Dios cajta yachangui.
5Canga, Israelcunata fiñashca causashpami, paicuna ninan llaquita apanajui punllacunapica, espadahuan huañuchijcunaman curcangui.
6Chaimandami Mandaj Jatun Dios Ñucaca cashna nini: Ñucaca causajunipachami. Canga huañunapachami cangui. Candaca huañuica catiriyashpami tucuchinga. Canga, huañuchinata alicachij cashcamandami, cambash huañuchi tucungui.
7Seir shuti urcutaca, tucuilla tucuchishpami, jichushca pambata saquisha. Chaita pipash yalishpaca, huañungapachami.
8Cambaj urcucunapi, lomacunapi, pugru pambacunapi, jatun larca yacucunapipash, huañushcacuna ashtaca sirinajunga.
9Candaca, causaita causaicamanmi llaquichishpa tucuchisha. Chaipica, cutinga pueblocunaca na tiyangachu. Shina rurajpimi Ñucataca, Mandaj Dios cajta yachanguichi.
10Canga cashnami nijurcangui: Ishcandi llactacuna, ishcandi alpacunami ñucapaj canga. Chaicunataca, ñucapajlla cachunmi japisha nircanguimi. Mandaj Dios Ñuca uyajujpimi, chashna nijurcangui.
11Chaimandami Mandaj Jatun Dios Ñucaca, cashna nini: Ñucaca causajunipachami. Imashna can ninanda fiñarishpa llaquichircangui, chashnallatami Ñucapash candaca tucuchisha. Canda chashna llaquichijpimi, Ñucataca rijsinga.
12Canga, Mandaj Dios Ñuca uyajtami, Israel llactapi tiyaj urcucunata ninanda fiñashpa na alicachishpa cashna nijurcangui: Ñami paicunataca llaquichishca. Cunanga ñucanchimi ashtahuan llaquichishpa tucuchina canchi, nircanguimi.
13Canga, Ñucata ninanda fiñashpami, na alicachishpa rimahuarcangui. Chaitaca Ñucami uyajurcani’ ninmi ningui” nihuarcami.
14Mandaj Jatun Diosca, cashnatapashmi nijurca: “Candaca, tucuicuna ricushpa cushijunajuchunmi, tucuilla tucuchigrini.
15Canga, Israelcuna causanajuj Ñuca carashca llacta llaquijujpica, cushijushpami ricujurcangui. Chashnallatami candapash llaquichisha. Seir urcu alpacunapash, Edom llactapash, ninandami llaquichi tucunga. Shina rurajpimi Ñucataca, Mandaj Dios cajta yachanajunga” ningui nihuarcami.
Who We AreWhat We EelieveWhat We Do
2025 by iamachristian.org,Inc All rights reserved.
