1Mandaj Diosca, Sinaí chaquishca pambapi, Paihuan tuparina jatun carpapimi, Israelcuna Egipto llactamanda llujshimushca ña ishcai huata, ishcai quilla callari punllapi, Moisesman cashna nijurca:
2“Tucuilla tandanajushca Israelcuna mashna cajta yachangapa yupangui. Paicunataca, ayllucunatapash, paicunapaj ñaupa taitacunapaj ayllucunatapash, jaricunatapash shuticunata yupashpa quilcangui.
3Cambash, Aaronbash, Israelcunataca, ishcai chunga huatata charijmanda vichaimanmi, jatun macanajuiman ri ushana jaricunata yupana canguichi. Paicunataca, macanajungapa rinalla runacunatami, imashna tandanajushcapi churana canguichi.
4Tucui ayllucunapimi shuj pushaj yanapajunga. Paicunaca, punda taitacunapaj mirai ayllucunata mandajcunami canga.
5Cangunata yanapajcunapaj shuticunaca, caicunami canga:
Rubén ayllumandaca, Sedeur runapaj churi Elisur shuti runami canga.
6Simeón ayllumandaca, Zurisadai shuti runapaj churi Selumiel shuti runami canga.
7Judá ayllumandaca, Aminadab shuti runapaj churi, Naasón shuti runami canga.
8Isacar ayllumandaca, Zuar shuti runapaj churi, Natanaelmi canga.
9Zabulón ayllumandaca, Helón shuti runapaj churi, Eliab runami canga.
10Josepaj ishcai churicunapaj ayllumandaca, caicunami canga: Efraín ayllumandaca, Amiud shuti runapaj churi Elisama shuti runami canga. Josepaj churi Manasés ayllumandaca, Pedasur shuti runapaj churi, Gamalielmi canga.
11Shinallata, Benjamín ayllumandaca, Gedeoni shuti runapaj churi, Abidán shuti runami canga.
12Dan ayllumandaca, Amisadai shuti runapaj churi, Ahiezer shuti runami canga.
13Aser ayllumandaca, Ocrán shuti runapaj churi, Pagiel shuti runami canga.
14Gad ayllumandaca, Deuel shuti runapaj churi, Eliasaf runami canga.
15Neftalí ayllumandaca, Enán shuti runapaj churi, Ahira shuti runami canga” nijurcami.
16Chai runacunami, tandanajushca Israelpuramandaca, paicunapaj punda taitacunapaj mirai ayllucunata mandajcuna carca. Paicunami, chai tucui huaranga huaranga Israel runacunata mandajcuna carca.
17Chai mandajcunapaj shuticunata quilcashpa churai tucushca runacunatami, Moiseshuan, Aaronhuan tandachinajurca.
18Ishcai quillapaj callari punllapica, tandanajushca tucuilla Israelcunatapashmi tandachinajurca. Paicunapaj ayllucuna, paicunapaj punda taitacunapaj huasi ucupuracuna imashna tandanajushcapi, paicunapaj shuticunata japishpami tandachinajurca. Shinallata, imashna shuj shuj yupashcashnallatami, ishcai chunga huatata charijmanda vichaiman tandachinajurca.
19Mandaj Dios imashna Moisesta mandashcashnami, Sinaí chaquishca pambapi paicunataca yupanajurca.
20Taita Israelpaj rucu churi Rubenbaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
21Rubenbaj ayllucunata yupajpica, 46.500 runacunami carca.
22Simeonbaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
23Simeonbaj ayllucunata yupajpica, 59.300 runacunami carca.
24Gad runapaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
25Gad runapaj ayllucunata yupajpica, 45.650 runacunami carca.
26Judapaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
27Judapaj ayllucunata yupajpica, 74.600 runacunami carca.
28Isacarpaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
29Isacar ayllucunata yupajpica, 54.400 runacunami carca.
30Zabulón runapaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
31Zabulón runapaj ayllucunata yupajpica, 57.400 runacunami carca.
32Josepaj churicunamanda, Efrainbaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
33Efrainbaj ayllucunata yupajpica, 40.500 runacunami carca.
34Manasespaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
35Manasespaj ayllucunata yupajpica, 32.200 runacunami carca.
36Benjaminbaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
37Benjaminbaj ayllucunata yupajpica, 35.400 runacunami carca.
38Dan runapaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
39Dan runapaj ayllucunata yupajpica, 62.700 runacunami carca.
40Aser runapaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
41Aser runapaj ayllucunata yupajpica, 41.500 runacunami carca.
42Neftalí runapaj miraicunataca, paicunapaj ayllucuna, ñaupa taitacunapaj huasi ucupuracuna imashna tandanajushcapi, paicunapaj shuticunata imashna yupashcashnami yupanajurca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata yupanajurca.
43Neftalí runapaj ayllucunata yupajpica, 53.400 runacunami carca.
44Chai tucuicunatami, Moiseshuan, Aaronhuan, Israelcunata mandaj chunga ishcai runacunahuan yupanajurca. Paicunaca, ñaupa taitacunapaj huasi ucupuramanda, shuj shujlla agllai tucushcami carca.
45Macanajuiman ri ushana Israelcunataca, ishcai chunga huatata charijmanda callarishpami, paicunapaj ñaupa taitacunapaj huasi ucupuracuna imashna tandanajushcapi yupanajurca.
46Tucuillata yupajpica, 603.550 runacunami carca.
Levitacunata churashcamanda47Levitacunaca, paicunapaj punda taitacunapaj ayllucuna imashna tandanajushca cashpapash, Israelpurapica na yupai tucushcachu carca.
48Mandaj Diosca, Moisestaca cashnami nishca carca:
49“Leví runapaj ayllucunatallami na yupana cangui. Israelcunata yupanajushpapash, paicunataca na yupanachu cangui.
50Ashtahuangarin, levitacunataca, Ñucahuan tuparina carpapi, tucui imalla tiyajcunatapash ricunajuchun churangui. Paicunami, Ñucahuan tuparina jatun carpatapash, chaipi tucui imalla tiyashcatapash apashpa rinajunga. Chai carpapillatami Ñucapajta rurajunga. Paicunaca, Ñucahuan tuparina carpa muyundipimi causanajunga.
51Ñucapaj jatun carpata shujman apana cajpipash, levitacunami pascashpa apanajunga. Chai carpata maipi shayachina cajpipash, levitacunami shayachinajunga. Na levita cashpata, chai carpaman quimirishpaca huañungami.
52Israelcunaca tucuicunami, paicuna imashna tandanajushcapi, paicunapaj banderacunahuan, carpacunata shayachishpa causanajunga.
53Ashtahuangarin, levitacunaca, Ñucahuan tuparina carpa muyundipimi, carpacunata shayachishpa causanajunga. Ñuca fiñarishpa, Israelcunata ama llaquichijuchunmi chashna ruranajunga. Levitacunami, Ñucahuan tuparina carpataca huacaichinajunga” nijurcami.
54Mandaj Dios imashna Moisesta mandashcashnami Israelcunaca, tucui imatapash chashnatapacha rurashpa pactachinajurca.
Who We AreWhat We EelieveWhat We Do
2025 by iamachristian.org,Inc All rights reserved.
