1Juyashca crijcuna, juchata maijan rurajushcata yachashpaca, Diospaj Espíritu yarichijpimi juyai shunguhuan, alichina canguichi. pactarallapash, cambash chashna pandaringuiman.
2Ima llaqui japijpipash, caishujmanda chaishujmanda yanaparishpami causana canguichi. Shina rurashpami, Cristo mandashcata pactachina canguichi.
3Napash imapash cashpata, “ñucami ali cani” nirijushpaca, paillatami pandarijun.
4Shina cajpica, maijan imata rurashca cashpapash, ñucanchillatami ricushpa aliguta yarina canchi. Shina cashpami, cushijushpa, na shujcuna rurashcataca ricuna canchi.
5Maijan imata rurashpa causashca cashpapash, chaitami ricuchina canchi.
6Diospaj Shimita yachajushpaca, maijan yachachijmanga ima alitapash cunapachami cangui.
7Na pandarinachu canguichi. Taita Diostaca, pipash na llullai ushangachu. Maijan imata tarpushpapash, chaitallatami japinga.
8Shina cajpica, maijambash paipaj munaitalla rurajushpaca, chaita rurashcamandami, chingaita chingagrinata japigringa. Ashtahuangarin, Diospaj Espíritu munashcata rurajushpaca, Diospaj Espiritumandami causaita causagrinata japigringa.
9Aliguta ruranataca, na shaijushpami rurana canchi. Na shaijushpa ruranajushpaca, japina punllacuna chayamujpimi, granota tandachijshna japinajushun.
10Shina cajpica, ima alita maijanman rurai ushashpaca, tucuicunaman alita rurashunchi. Chaitaca, crijpuracunami ashtahuambacha pactachina canchi.
Pabloca, Cristo cruzpi chacatai tucushcamandami jatunyachijushca11Ricuichi, ñuca maquihuambachami, jatunda quilcashpa cachamuni.
12Tucuicuna alipi ricuringapa munashpami, “circuncisionda ruranami canguichi” nishpa, cangunataca mandanajun. Paicunaca, Cristota cruzpi chacatashcata villashcamanda, ama llaquichi tucungapami, chashna mandanajun.
13Circuncisionda rurashcacuna cashpapash, mandashca shimicunataca na pactachinajunllu. Ashtahuangarin, cangunapaj ñaupajpi ali ricuringapa munashpallami, “circuncisionda ruranami canguichi” nishpa purinajun.
14Ashtahuangarin, Apunchi Jesucristota cruzpi chacatashcata yarishpami alipi ricuringapa munani. Paimandami, cai pachaca ñucapaca ña huañushcashna cajpi, ñucapash, cai pachapaca ña huañushcashna cani.
15Cristo Jesushuan cashpaca, circuncisionda rurashcapash, na rurashcapash, imapash na canllu. Ashtahuangarin, pai mushujyachijpi mushujta causanami, tucuitapash yali ali cashca.
16Caipi ñuca nishcashna causajcunaman, ali causaitapash, juyai shungutapash carachunmi munani. Shinallata, Taita Dios agllashca Israelcunamambash, chashnallata carachunmi munani.
17Cunanmandaca, ama pipash ashtahuan llaquichihuachun. Ñuca aichapi chugrishcacunaca, Apunchi Jesusmanda llaquichi tucushcatami ricuchijun.
Dios bendiciapachun nishpami tucuchishca18Juyashca crijcuna, ñucanchi Apunchi Jesucristopaj ninan juyaica, cangunapi cachunmi munani. Chashna cachun.
Who We AreWhat We EelieveWhat We Do
2025 by iamachristian.org,Inc All rights reserved.
