Psalms 129 - Quichua Imbabura 2016

Sion pueblota fiñajcunata tucuchijuchun, Diosta mañashcamandaVichai rinajushpa candanami.

1Ñucataca, huambra caimandapachami ninanda llaquichinajurca.

Cunanga, Israelcunaca cashna ningallami:

2“Ñucataca, huambra caimandapachami, ninanda llaquichinajurca.

Ashtahuangarin, na mishai ushahuarcachu.

3Ñucataca, huashapi astishpami chugrichihuarca.

Jatun huachucunatashnami rurahuarca.

4Mandaj Diosca, tucuita alita rurashpami pactachijun.

Diosta na manllajcunapaj maquimandami cacharichihuarca.

5Tucuicunami pingai tucushpa huashaman tigranajunga.

Sion pueblota na ricunayachij runacunami, chashna tigranajunga.

6Paicunaca, huasi jahuapi jihua, narapash ali viñashpallata chaquinshnami tucunajunga.

7Chaitaca, jihuata cuchuj runaca, maqui jundatallapash na tandachircachu.

Gavillata rurangapapash, napacha pactarcachu” nita ushangami.

8Ñanda yalijcunapash:

“Mandaj Dios, cangunataca bendiciachun,

Ñucanchica, Mandaj Diospaj shutipimi bendicianchi” nitaca napacha usharcachu.