1Crijcunata pushaj anciano cashpami, Dios agllashca tucui tandanajushca crijcunaman quilcani. Ñucami, tucui shunguhuan cangunataca juyani. Na ñucalla juyanichu, ashtahuangarin, na llullashpa villajuj Shimita yachajushca crijcunapash, tucuicunami juyan.
2Na llullashpa villajuj Shimica, ñucanchi shungupimi causajun, shinallata, causaita causaicamanmi ñucanchipica causajunga.
3Taita Diospash, Taita Diospaj Churi Apunchi Jesucristopash ninan juyaita, ninan llaquinata, ali causaiguta cangunaman carachunmi munani. Na llullashpa villajuj Shimipi nijujshna, juyarishpa causanata carachunmi munani.
Cristo yachachishcatami catina canguichi4Tandanajushca crijcunamanda huaquingunaca, Taita Dios mandashcashna, na llullashpa villajuj Shimita catishpa aliguta causanajujta ricushpami, ninandapacha cushijurcani.
5Tucui tandanajushca crijcunalla, cunanga caigutallami ningapa munani: “Caishujhuan chaishujhuan juyarishpami causana canchi” nishpaca, na mushujta mandashpa quilcamunichu. Ashtahuangarin cai mandashcacunataca, pundallata ñami charircanchi.
6Juyarishpa causashpallami, mandashca shimicunataca pactachinajunchi. Mandashcapica: “Juyarishpami causana canguichi” nijunmi. Chaitaca, callarimandapacha ñami uyashcanguichi.
7Llullashpa yachachijcunaca, ashtacacunami cai pachapica purinajun. Paicunaca: “Jesucristoca, na runa aichayuj tucushpa shamurcachu” ninajunmi. Chashna nishpa llullashpa yachachijmi, Cristota fiñaj runa.
8Canguna imatalla rurashcata ama chingachingapaca, cangunallata aliguta yarishpami causana canguichi. Shinallata, Dios caranata, tucuillata japigrishapacha yashpami catina canguichi.
9Cristo yachachishcata na catishpa, shujtara catishpaca, napacha Taita Dioshuan causajunllu. Ashtahuangarin, Cristo yachachishcata catijcunallami, Taita Dioshuambash, Paipaj Churihuambash causan.
10Pipash, cangunapajman shamushpa, Cristo yachachishcata na yachachijpica, huasipipash na chasquinachu canguichi. “Caiguman shamupailla” nitallapash, napacha ninachu canguichi.
11Maijambash: “Caiguman shamupailla” nishpa chasquishpaca, paishnallatami na alicunata ruranajunguichi.
Cangunapajmanga, rishapacha yajunimi12Cangunaman quilcanataca ashtacatami charini. Shina cashpapash, fangapi quilcashpalla yachachingapaca na munanichu. Ashtahuangarin cangunapajman rishpa, ñavi ñavi parlashpa ninanda cushijungapami munani.
13Dios agllashca tandanajushca crijcunapash, candaca “alillachu capangui” ninajunmi. Chashna cachun.
Who We AreWhat We EelieveWhat We Do
2025 by iamachristian.org,Inc All rights reserved.