1¡Ñuca umapica, ashtaca yacushna viquicuna tiyashpami ali canman.
Ñuca ñavimandapash, pugyu yacushna viqui llujshijushpachari ali canman.
Shina cajpica, ñuca llactapi causajcuna huañushcamandaca, tutapash punllapash huacajuimanllami!
2¡Na cashpaca, jichushca pambapi llandushpa samana pushtuta ñucaman cushpachari ali canman!
Shina cajpica, ñuca llactapi causajcunata saquishpachari chaiman riman.
Paicunaca tucuicunami, cazarashca jahuapash shujcunahuan causanajun.
Yachashca jahua, na cazuj gentecunami.
3Mandaj Diosca, cashnami nin:
“Paicunapaj shimihuanga, flechata arcohuan shitajshnami llullanajun.
Chaimandami cai llactapica, shinlli canata, na llullashpa causanataca na usharca.
Ashtahuangarin, na alicuna cashpami, Ñucataca ashtahuan ashtahuan na cazunajurca.
4Tucuicunami na ali gentecuna canguichi.
Randimanda llaquichirishpa causaj gentecunami canguichi.
Randimanda llullarishpa causaj gentecunami canguichi.
Randimanda huasha rimashpa purij gentecunaman canguichi.
5Tucuicunami, llullashpa umachijcuna canguichi.
Llullashpa rimanataca napacha saqui ushashpami causanguichi.
Na alita rurashpa causanatallami yaringuichi.
6Cangunaca, umachijcunapaj chaupipimi causanajunguichi.
Chashna llullashpa umachijcuna cashpami, Ñucata na cazungapa munarcanguichi” ninmi Mandaj Diosca.
7Chashnacuna cajpimi tucuita Mandaj Diosca, cashna nirca:
“Imashna cajta ricungapaca ninapi churashpami, tucuilla mapata anchuchigrini.
Ñuca agllashca gentecunataca, ¿imatata ashtahuan rurasha?
8Paicunapaj jalluca, filo filo flechashnami.
Shimihuanga, llullashpajllami, aliguta causapangui ninajun.
Ashtahuangarin shungupica, imashna llaquichinatami yarinajun.
9Chashna cashcamandaca, ¿nachu llaquichina cani?
Chashna llactacunataca, ¿nachu Ñucapash chashnallata tigrachina cani?” ninmi Mandaj Diosca.
10Jerusalenbi causajcunaca, loma jahuacunapimi caparishpa huacanajunga.
Paicunapaj jihua pambacuna chaquishpa rupashcamandami huacanajunga.
Chaicunataca pipash na ashtahuan purinajungachu.
Shinallata, huagra huacajllapash, na uyarinllu.
Sacha animalcunapash, jahuata rij alasyu animalcunapashmi, chaimandaca anchushpa ringa.
11Jerusalendaca, tucuillata urmachishpa rumi mundundallami saquisha.
Chacal animalcuna causana pushtumi tucunga.
Judá llacta pueblocunatapash tucuchijpimi, chaipica pipash na causanga.
Jerusalén pueblotaca tucuilla urmachishpa, chaipi causajcunataca calpachishca12¿Cai llactapi ima tucushcata yachangapaca, shuj ali yachajushcallapash tiyanllu? ¿Manda Diosca, pimanda, cai shimicunataca yachachishca? ¿Imashpata cai alpacunaca, tucuilla shitashca, imapash na fucuna, pipash na causana saquirishca?
13Mandaj Diosca, cashnatapashmi nirca: “Ñucaca, paicunapaj maquipimi Ñuca mandashca shimitaca curcani. Chaitaca napacha cazushpami, chai mandashcapi nijushcataca na pactachinajurca.
14Ashtahuangarin, paicunapaj shungupi yarinajushcatallami ruranajurca. Paicunapaj taitacuna yachachishcashnami, Baal shuti rurashcalla dioscunata catinajurca” nircami.
15Chaimandami cunanga, tucuita Mandaj, Israelcunapaj Taita Diosca, cashna nin: “Cai gentecunamanga, ajenjotami micuchigrini. Shinallata, huañuchij jayaj yacutami ufiachigrini.
16Paicunapash, paicunapaj taitacunatapash na rijsishca llactacunamanmi, caita chaita cachagrini. Paicunataca espadahuan huañuchinajuchunmi saquigrini” ninmi.
17Tucuita Mandaj Diosca, cashnatapashmi nin:
“Caita aliguta yarichi. Huacanata yachaj huarmicuna shamuchun cayaichi.
Huacanata alipacha yachajcunata mascaichi” ninmi.
18Ñucanchimanda caiman shamushpa huacachun pushamuichi.
Ñucanchipash viquipash chaquijtami huacashun.
Ñucanchi ñavimandaca, viquica yacushnami ringa.
19Sion pueblomandaca, ninanda llaquirishpa cashna huacanajujmi uyarirca:
“Ñucanchi alpacunata shitashpamari rigrinchi.
Ñucanchi huasicunatapashmi urmachinajurca.
¡Llaquinayaitamari tucuchi tucurcanchi!
Ninandapachami pingaichi tucushcanchi” nishpami huacanajuj uyarirca.
20Huarmicunapash, Mandaj Dios rimashca Shimitaca uyanami canguichi.
Mandaj Dios rimashca Shimitaca aligutami uyashpa chasquina canguichi.
Cangunapaj ushicunataca ninanda llaquirishpa huacanatami yachachina canguichi.
Cangunapaj cumba huarmicunamambash, llaquirishpa huacanata yachachinami canguichi.
21“Huañuchingapaca, huasi ventanacunatami yaicurca.
Mandashpa tiyana huasicunamanmi yaicurca.
Huahuacunataca ñangunapimi huañuchirca.
Chaira viñaicunataca plazacunapimi huañuchirca” ninmi ningui.
22Mandaj Diosca, cashnatapashmi nirca:
“Huañushcacunaca, pambapi huanuta shitashcashnami sirinajunga.
Trigota cuchushpa, tandachinajujpi urmashpa puchushcashnami, pipash na tandachijpi sirinajunga ningui” nircami.
Taita Diosta rijsishpalla, runaca juyailla causaita charina cashcamanda23Mandaj Diosca, cashnami nin: “Alipacha yachajushca cashpapash na jariyashpa causanachu.
Ninan ushaita charishpapash na jariyanachu.
Ninan charij cashpapash, na jariyanachu.
24Ashtahuangarin maijambash alicachi tucushpa causangapa munajca,
Mandaj Dios Ñucata rijsishpa cazushpa causashcamanda, alicachi tucushca cachun.
Mandaj Dios Ñucaca, cai pachapica llaquijpash, aligutapacha ricushpami mandajuni.
Chaicunataca, Mandaj Dios Ñucami tucuita pactachingapa munani” ninmi Mandaj Diosca.
25Mandaj Diosca, cashnatapashmi nin: “Ricuichi, circuncisionda rurashcacunatapash, na rurashcacunatapash, llaquichina punllacunami chayamujun.
26Egipto, Judá, Edom, Amón, Moab shuti llactacunapi causajcunata, shinallata jichushca pamba ashtahuan juchucunaman causajcunatapashmi, tucuicunata llaquichisha. Chai tucui llacta runacunaca, circuncisionda na rurashcacunami. Tucuilla Israelcunacarin, circuncisionda na rurashcashnallatami, na ali shunguhuan causanajun” ninmi.
Who We AreWhat We EelieveWhat We Do
2025 by iamachristian.org,Inc All rights reserved.