1Cai pachapica, runacunapi ashtahuan shuj llaquipash tiyajtami ricurcani:
2Taita Diosca, huaquingunamanga, charijyanatapash, alicachi tucushca causanatapash, na munangacamanmi caran. Shina cajpipash Mandaj Diosca, paicuna chaicunahuan ama cushijuchun saquishpami, shujcunara cushijuchun saquin. Chaipash yangallata na alipachami.
3Chai runaca, patsaj huahuacunata charishpapash, unai huatacunata causashpapash, na cushijuita charingachu. Paipaj shungupi ima munashcatapash na pactachircachu. Huañujpipash, pipash na pambarcachu. Ñuca ricuipica, na huacharishca huahuarapashmi, ashtahuan ali cajta ricurcani.
4Chai huahuaca, imatapash nara ricushpallatami huañurca. Paitaca shuti illajtami pambarca.
5Chai jahuaca, inditaca na ricushcachu, rijsitapash na rijsishcachu. Shina cashpapash chai huahuarami, chai charij runatapash yali samanata charinga.
6Chai runaca, ishcai huaranga huatata causashpapash, pai imatalla charishcahuanga na cushijungachu. Shina cashpapash ¿nachu tucuicunallata chaimanllata rinajun?
7Tucui imatalla runa rurashcapash micungapallami. Shina cashpapash, paicuna munashcataca na pactachinllu.
8Shina cashpaca, alipacha yachajushca runaca, juizu illaj runataca, ¿imapita ashtahuan yali canga? Imagutapash na charij runaca, ¿nachu causaipica, llaquicunataca mishashpa causan?
9Imatapash munashpalla ricungapa randica, ashagutallapash pactachishpami ali canga. Chaipash yangallatami, yuyaita shaijuchingapallami.
10Cunanbi ima tiyashcapash, ña pundallatami shutihuan tiyarca. Runa imashna cajtapash yachanchimi. Runaca, paitapash yali ushaita charij Dioshuanga, na chimbapura shayari ushanllu.
11Ninanda rimarijushpaca, yangallata imapapash na alichu. Chaicunaca, ¿imapata ali canga?
12Runapaj causaipi ima ali canataca, ¿pita yachan? Runapaj tucui causaipica, ¿nachu imapash yanga yalijunlla? Shinallata, ¿jipa punllacunapi, cai pachapi ima tucujujtaca pita villai ushanga?
Who We AreWhat We EelieveWhat We Do
2025 by iamachristian.org,Inc All rights reserved.
