1Moisesca, Diospaj jatun carpata shayachishpa tucuchishpaca, carpatapash, chaipi tucui ima tiyashcacunatapash aceitehuan javishpami, Diospajlla cachun shicanyachirca. Shinallata altartapash, chaipi ima tiyashcacunatapashmi, aceitehuan javishpa Diospajlla cachun shicanyachirca.
2Chai jipami, paicunapaj taitacunapaj ayllu Israelcunata mandajcunaca, Diosman cungapa ofrendata apamunajurca. Paicunami, Israelcunataca yupashca carca.
3Chai mandajcunaca, Mandaj Diosman ofrendata cungapami, sucta carreta junda caranacunata, chunga ishcai huagracunata apamunajurca. Ishcai mandajmandaca, shuj carreta jundata, shuj mandajmandaca shuj huagratami, Diospaj jatun carpapi cungapa apamunajurca.
4Mandaj Diosca, Moisestaca cashnami nijurca:
5“Paicuna carashcacunataca japilla. Chaicunaca, Ñucahuan tuparina jatun carpapi imata cajpipash rurangapami canga. Chaicunataca, imashna Diospajta rurana cajpipash rurachun, levitacunaman cunguilla” nircami.
6Shina nijpimi Moisesca, carretacunatapash, huagracunatapash japishpa, levitacunaman curca.
7Gersón runapaj miraicunamambash, imata Diospajta rurana cajpipash rurachunmi, ishcai carretacunata, chuscu huagracunata curca.
8Merari shuti runapaj miraicunamambash, imata Diospajta rurana cajpipash rurachunmi, chuscu carretacunata, pusaj huagracunata curca. Paicunataca, sacerdote Aaronbaj churi Itamar shuti runami mandajurca.
9Ashtahuangarin, Coat shuti runapaj miraicunamanga na imatapash curcachu. Paicunaca, Diospajlla huasipi tucui tiyashcacunata aparishpa rina cashcamandami, imatapash na japirca.
10Israel ayllucunata mandajcunaca, altarta aceitehuan javishpa shicanyachijui punllapimi, Diosman ofrendacunata apamushpa altar ñaupajpi churanajurca.
11Chaimandami Mandaj Diosca, Moisestaca cashna nirca: “Altarta Ñucaman mingangapaca, shuj punllapica shuj mandaj, caishuj punllapica caishuj mandajmi, ofrendacunataca apamunga nishpa mandangui” nircami.
12Shina cajpimi callari punllapica, Judá aylluta mandaj, Aminadab shuti runapaj churi, Naasón shuti runa ofrendataca apamurca.
13Naasón shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnami carca. Chai ishcandipillatami ali jacuta, aceitehuan chapushpa masashcata jundachishpa apamurca.
14Shinallata, shuj patsaj chunga gramota pezaj curita rurashca jatun cucharatapashmi, inciensota jundachishpa apamurca.
15Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
16Juchamanda Diosman cungapaca, shuj jari chivotami apamurca.
17Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Aminadab shuti runapaj churi Naasón runaca Diosman cararca.
18Cati punllapica, Zuar shuti runapaj churi, Isacarpaj mirai ayllucunata mandaj Natanaelmi, Diosman carangapa shamurca.
19Natanael shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnami carca. Chai ishcandipillatami ali jacuta, aceitehuan chapushpa masashcata jundachishpa apamurca.
20Shinallata, shuj patsaj chunga gramota pezaj curita rurashca jatun cucharatapashmi, inciensota jundachishpa apamurca.
21Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
22Juchamanda Diosman cungapaca, shuj jari chivotami apamurca.
23Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Zuar shuti runapaj churi Natanael runaca Diosman cararca.
24Quimsa punllapica, Helón shuti runapaj churi, Zabulón runapaj mirai aylluta mandaj Eliab shuti runami, Diosman carangapa shamurca.
25Eliab shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnami carca. Chai ishcandipillatami, ali jacuta, aceitehuan chapushpa masashcata jundachishpa apamurca.
26Shinallata, patsaj chunga chuscu gramota pezaj curita rurashca jatun cucharatapashmi, inciensota jundachishpa apamurca.
27Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
28Juchamanda Diosman cungapaca, shuj jari chivotami apamurca.
29Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Helón shuti runapaj churi Eliab runaca, Diosman cararca.
30Chuscu punllapica, Sedeur shuti runapaj churi, Rubenbaj mirai aylluta mandaj Elisur shuti runami, Diosman carangapa shamurca.
31Elisur shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnami carca. Chai ishcandipillatami ali jacuta, aceitehuan chapushpa masashcata jundachishpa apamurca.
32Shinallata, shuj patsaj chunga gramota pezaj curita rurashca jatun cucharatapashmi, inciensota jundachishpa apamurca.
33Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
34Juchamanda Diosman cungapaca, shuj jari chivotami apamurca.
35Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Sedeur shuti runapaj churi Elisur runaca, Diosman cararca.
36Picha punllapica, Zurisadai shuti runapaj churi, Simeonbaj mirai aylluta mandaj Selumiel shuti runami, Diosman carangapa shamurca.
37Selumiel shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnami carca. Chai ishcandipillatami, ali jacuta, aceitehuan chapushpa masashcata jundachishpa apamurca.
38Shinallata, shuj patsaj chunga gramota pezaj curita rurashca jatun cucharatapashmi, inciensota jundachishpa apamurca.
39Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
40Juchamanda Diosman cungapaca, shuj jari chivotami apamurca.
41Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Zurisadai shuti runapaj churi Selumiel runaca, Diosman cararca.
42Sucta punllapica, Deuel shuti runapaj churi, Gadpaj mira aylluta mandaj Eliasaf shuti runami, Diosman carangapa shamurca.
43Eliasaf shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnami carca. Chai ishcandipillatami ali jacuta, aceitehuan chapushpa masashcata jundachishpa apamurca.
44Shinallata, shuj patsaj chunga gramota pezaj curita rurashca jatun cucharatapashmi, inciensota jundachishpa apamurca.
45Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
46Juchamanda Diosman cungapaca, shuj jari chivotami apamurca.
47Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Deuel shuti runapaj churi Eliasaf runaca, Diosman cararca.
48Canchis punllapica, Amiud shuti runapaj churi, Efrainbaj mirai aylluta mandaj Elisama shuti runami, Diosman carangapa shamurca.
49Elisama shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnami carca. Chai ishcandipillatami ali jacuta, aceitehuan chapushpa masashcata jundachishpa apamurca.
50Shinallata, shuj patsaj chunga gramota pezaj curita rurashca jatun cucharatapashmi, inciensota jundachishpa apamurca.
51Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
52Juchamanda Diosman cungapaca, shuj jari chivotami apamurca.
53Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Amiud shuti runapaj churi Elisama runaca, Diosman cararca.
54Pusaj punllapica, Pedasur shuti runapaj churi, Manasespaj mirai aylluta mandaj Gamaliel shuti runami, Diosman carangapa shamurca.
55Gamaliel shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipillatami, ali jacuta, aceitehuan chapushpa masashcata jundachishpa apamurca.
56Shinallata, shuj patsaj chunga gramota pezaj curita rurashca jatun cucharatapashmi, inciensota jundachishpa apamurca.
57Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
58Juchamanda Diosman cungapaca, shuj jari chivotami apamurca.
59Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Pedasur shuti runapaj churi Gamaliel runaca, Diosman cararca.
60Iscun punllapica, Gedeoni shuti runapaj churi, Benjaminbaj mirai aylluta mandaj Abidán runami, Diosman carangapa shamurca.
61Abidán shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnami carca. Chai ishcandipillatami ali jacuta, aceitehuan chapushpa masashcata jundachishpa apamurca.
62Shinallata, shuj patsaj chunga gramota pezaj curita rurashca jatun cucharatapashmi, inciensota jundachishpa apamurca.
63Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
64Juchamanda Diosman cungapaca, shuj jari chivotami apamurca.
65Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Gedeoni shuti runapaj churi Abidán runaca, Diosman cararca.
66Chunga punllapica, Amisadai shuti runapaj churi, Dan runapaj mirai aylluta mandaj Ahiezer shuti runami, Diosman carangapa shamurca.
67Ahiezer shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandi platocunapimi, ali jacuta, aceitehuan chapushpa masashcata jundachishpa apamurca.
68Shinallata, patsaj chunga chuscu gramota pezaj curita rurashca jatun cucharatapashmi, inciensota jundachishpa apamurca.
69Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
70Juchamanda Diosman cungapaca, shuj jari chivotami apamurca.
71Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Amisadai shuti runapaj churi Ahiezer runaca, Diosman cararca.
72Chunga shuj punllapica, Ocrán shuti runapaj churi, Aser runapaj mirai aylluta mandaj Pagiel shuti runami, Diosman carangapa shamurca.
73Pagiel shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnami carca. Chai ishcandipillatami ali jacuta, aceitehuan chapushpa masashcata jundachishpa apamurca.
74Shinallata, shuj patsaj chunga gramota pezaj curita rurashca jatun cucharatapashmi, inciensota jundachishpa apamurca.
75Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
76Juchamanda Diosman cungapaca, shuj jari chivotami apamurca.
77Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Ocrán shuti runapaj churi Pagiel runaca, Diosman cararca.
78Chunga ishcai punllapica, Enán shuti runapaj churi, Neftalí runapaj mirai aylluta mandaj Ahira shuti runami, Diosman carangapa shamurca.
79Ahira shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipillatami, ali jacuta, aceitehuan chapushpa masashcata jundachishpa apamurca.
80Shinallata, shuj patsaj chunga gramota pezaj curita rurashca jatun cucharatapashmi, inciensota jundachishpa apamurca.
81Shinallata, Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
82Juchamanda Diosman cungapaca, shuj jari chivotami apamurca.
83Shinallata, Dioshuan ali cangapa ofrendataca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Enán shuti runapaj churi Ahira runaca, Diosman cararca.
84Aceiteta talishpa, altarta Diospajlla cachun shicanyachijui punllapimi, Israelcunata mandajcunaca, culquita rurashca chunga ishcai platota, chunga ishcai jarrota, curita rurashca chunga ishcai jatun cucharacunata, Diosman caranajurca.
85Chai platocunaca, shuj platolla kilo chaupitami pezarca. Jarrocunapash, shuj jarrolla, chaupi kilo yalitami pezarca. Culqui platocunata, culqui jarrocunata, tucuillata pezajpica, ishcai chunga canchis chaupi kilotashnami pezarca. Chai platocunaca, Diospajlla huasipi pezashcashnami carca.
86Curita rurashca chai chunga ishcai jatun cucharacunapash, inciensohuan jundami carca. Chai cucharacunaca, shuj cucharallami patsaj chunga chuscu gramota pezarca. Tucuilla curi cucharacunata pezajpica, shuj kilo ishcai patsaj gramotami pezarca. Chaicunaca, Diospajlla huasipi pezashcashnami carca.
87Diosman cushpa tucuillata rupachina huagracunaca, chunga ishcai shicucunami carca. Chunga ishcai jari llamacuna, shuj huatata charij chunga ishcai maltun llamacunami carca. Chaicunataca, Diosman ofrendata apamushcacunandimi caranajurca. Juchamanda cushca ofrendacunaca, chunga ishcai jari chivocunami carca.
88Dioshuan ali cangapa carashpa rupachina animalcunata tucuillata tandachijpica, ishcai chunga chuscu maltun shicucuna, sucta chunga jari llamacuna, sucta chunga jari chivocuna, shuj huatata charij sucta chunga maltun llamacunami carca. Aceitehuan javishpa jipa, altarta Diosman mingangapami, chai ofrendacunataca apamunajurca.
89Taita Dioshuan parlangapaca, Dioshuan tuparina jatun carpamanmi Moisesca yaicun carca. Mandashca shimicunata alichishca, arcapaj tapa jahuapi, ishcai querubingunapaj chaupimandami, Dios rimajuj uyarij carca. Chashnami Diosca, Moiseshuan parlaj carca.
Who We AreWhat We EelieveWhat We Do
2025 by iamachristian.org,Inc All rights reserved.
