1Babilonia jatun yacu manñacunapi tiyarishpami huacanajurcanchi.
Sion pueblota yarishpami huacanajurcanchi.
2Ñucanchi arpacunataca,
sauce yura malquicunapimi huarcurcanchi.
3Ñucanchita prezu apajcunaca, candachunmi mañanajuj carca.
Ñucanchita llaquichijcunapash, cushijuchun mandashpami cashna ninajurca:
“Sion pueblopi candana huaquin taquicunata, ñucanchiman candaichi” ninajurcami.
4Mandaj Diospaj candanataca,
¿imashnata na rijsishca llactapica candashunyari?
5Jerusalen pueblolla,
canda ñuca cungajpica,
ñuca ali maquipash chaquishpami ali canman.
6Canda na yarijpica, ñuca jallupash shimi jahuaman llutarishpami ali canman.
Jerusalen pueblota cungashpa, na jatumbi churajpica, chashna tucushca cachun.
Jerusalen pueblota cungashpa, imahuambash cushijushcamanda, chashna tucushca cachun.
7Mandaj Dioslla,
Jerusalenda llaquichijui punllapi,
Edom llacta gentecuna cashna ninajushcataca yaripanguilla:
“Callaripi churashca rumicunacaman,
urmachishpa tucuchinguichilla” ninajurcami.
8Babilonia llacta, cambashmi tucuchi tucungui.
Ñucanchita llaquichishcamanda, randi llaquichij runaca, ninandami cushijunga.
9Cambaj huahuacunata jatun rumipi shitashpa huañuchij runaca, ninandami cushijunga.
Who We AreWhat We EelieveWhat We Do
2025 by iamachristian.org,Inc All rights reserved.
