1Ninive pueblota tucuchingapami vichai shamujun.
Torrecunapipash chapanajuchun churanami cangui.
Ñandapash ricurianami cangui,
Shinlli shayarishpami chapana cangui.
Cambaj tucuilla ushaihuanmi alichirina cangui.
2Mandaj Diosmi, Jacobmanda miraicunataca cutin jatunbi churanga.
Israelpaj miraicunataca cutinmi alicachi tucushca cachun churanga.
Paicuna imata charishcatapash, shuhuacunami tucuilla aparca.
Paicunataca, uvacuna viñashcatashnami sarushpa tucuchirca.
3Paicunapaj macanajuj runacunapaj, jarcarina jirrucunaca punchalla pucami canga.
Macanajuj runacunaca, yana pucata churajushcami canga.
Macanajuna carretacunaca, ninata japichishcashnami canga.
Paicuna macanajuiman llujshina punllapica, tucsishpa huañuchina jirrucunapash ninandami cuyunajunga.
4Carretacunahuanga, plazacunamanmi yaicunajunga.
Ñangunapipash culunlla huacashpami muyunajunga.
Chai carretacunaca, ninata japichishcashnami ricuringa.
Chaicunaca, punchapamba shitamunshnami calpanajunga.
5Paipaj, shinlli macanajuj runacunata cayajpica, paicunapurami saruringa.
Pirca, jahuaman rishpami macanajungapa alichirinajunga.
6Jatun yacucunapaj pungucunapash pascaringami.
Chai yacucunami, mandashpa tiyajuna huasitapash urmachinga.
7Jatun mandaj huarmitaca, prezumi japinga.
Paita apajpimi, paipajta ruraj huarmicunaca,
pechota huajtarishpa palomacunashna huacashpa rinajunga.
8Nínive pueblopi gentecunaca, yacu junda cuchashnami.
Paicunaca, chai jundashpa jicharijushnami pacajungapa calpanajun.
Paicunataca: “¡Shuyaichi, shuyaichi!” nijpipash, pipash na tigrashpa ricunllu.
9Culquitapash, curitapash shuhuashpa apanajunmi.
Paicuna, imata charishcacunaca, apanajujpipash, na tucuringachu.
10Tucuilla tucuchijpimi, jichushca pambashna saquirishca.
Ninanda llaquichijpimi imapash illaj saquirishca.
Cunguricunapash chujchunajun, huasha tullu nanaihuanbash, ña huañunallami tucushca.
11¿Leonguna pacajuna utujucunapash, imata tucushca?
¿Jari leongunandi, huarmi leongunandi, huahua leongunandi, pacajuna utujucunaca maitata rishca?
Paicunataca, pipash na manllachi ushanllu carca.
12Leonga, huahua leongunamanbash, huarmi leongunamanbash, aichata carangapami ninanda apamuj carca.
Paicuna causana utujucunapica, huañushca animalpaj aichacunatami, jundachij carca.
Nínive pueblota tucuilla tucuchinamanda13Tucuita Mandaj Diosca, cashnami nijun:
“Ñucami candaca ninanda llaquichigrini.
Cambaj carretacunataca, tucuillami rupachishpa tucuchisha.
Cambaj maltun leongunataca, espadahuanmi tucuchisha.
Llactamandaca, can shuhuashpa charijyashcatapash tucuchishami.
Canman imata villajcunapash, cutinga na ashtahuan uyaringachu” ninmi.
Who We AreWhat We EelieveWhat We Do
2025 by iamachristian.org,Inc All rights reserved.
