1Ricuchun churashcapimi ricushpa shayajusha.
Torre jahuapimi shinlli shayarishpa, tutapash na puñushpa, imatalla nijta uyariyajusha.
Ñuca rimashcata tigrachingacaman chapariyajushallami.
2Mandaj Diosca, cashna nishpami ñucaman tigrachihuarca:
“Muscuipishna imatalla ricushcatapash tablapi quilcangui.
Chaita maijambash quilcacatishpaca, ucha villangapa calpachun, chai quilcashcataca ricuchingui.
3Muscuipishna ricushcacunaca, huaquin huatacuna yalishpapash pactangapachami.
Na ucha pactajpipash chapariyajunallami cangui.
Chai ricushcacunaca na unaiyangachu. pactangapachami.
4Na ali shunguta charij runaca jariyanllami.
Ashtahuangarin alitalla ruraj runaca, crishcamandallami causanga.
5Vinota ufiaj runaca umachij, jariyashpa jatun tucun runami.
Paica, na causajungallachu.
Paipaj shimitaca, alpa pascarinshnami pascan.
Paica, huañui na samashpa tucuchijun, chashnallatami rurajun.
Tucui llactacunapi causaj gentecunata tandachishpami prezu apajun” nijurcami.
Na alitalla rurajcunaca imachari tucunga6¿Nachu tucui caicunataca, yarichij shimicunahuan na alicachishpa rimanajunga?
Paitaca, cashnami ninajunga: “Napash paipaj cajpita ninanda mirachij runaca, ¡aij imachari tucunga!
¿Ima punllacamanda quichushpa, ninanda mundunajunalla carca?” ninajungami.
7Can llaquichishca gentecunara, ¿nachu candara cungashcapi llaquichinga?
Canda llaquichijcuna jatarishpaca, ¿nachu can ima charishcacunata quichushpa apanga?
8Ashtaca llactacuna imatalla charishcata quichushpa apashcamandami,
tucui llactacuna tandanajushpa can imatalla charishcata quichushpa apanajunga.
Gentecunata huañuchishcamanda, llactacunata, pueblocunata quichushcamanda,
chaipi tucui causajcunata can llaquichishcamandami, chashna ruranajunga.
9Imatapash shuhuashpalla, paipaj huasipi ninanda jundachij runaca,
¡aij imachari tucunga!
Paica, jatun llaquicuna shamujpica, na llaquita apashachu yashpami chashna rurajun.
10Chashna na alita rurashpami, cambaj huasipica pingai tucunatalla jundachircangui.
Ashtaca gentecunatami, llaquichishpa tucuchircangui.
Canllata llaquichi tucungapami, chashna rurarcangui.
11Rumicunaca, muyundi pirca jahuamandami caparinajunga.
Viga caspicunapashmi, caparinajunga.
12Gentecunapaj yahuarta jichashpa pueblota shayachij runalla,
na alita rurashcacunahuan pueblota callarichij runalla,
¡aij imachari tucunga!
13¿Nachu caica, tucuita Mandaj Diosmanda canga?
Ninapi rupachunllami, gentecunaca imatapash ruranajunga.
Shuj llactapi causajcunapash, yangallatami ninanda shaijunajunga.
14Imashnami mama cuchaca yacuhuan junda,
chashnallatami cai pachaca Mandaj Diospaj ushaita rijsishca yuyaihuan junda canga.
15Cumba runata machachij runalla,
¡aij imachari tucunga!
Lluchullata ricungapa machangacaman vinota ufiachij runalla,
¡aij imachari tucungui!
16Canga, alicachi tucungapa randica, ninandami pingaichi tucungui.
Cambash ufiashpa, lluchulla tucuilla.
Mandaj Diospaj ali maquipi charijuj vasomandami ufiachinga.
Can alicachi tucushcataca, pingai tucunamanmi tigrachinga.
17Líbano lomapi causajcunata can llaquichishcashnami, candapash llaquichinga.
Sachacunapi causanajuj animalcunata huañuchishpa tucuchishcashnami, llaquichi tucungui.
Gentecunata huañuchishcamanda, paicunapaj alpata shuhuashcamanda,
pueblocunamanda, chaipi causajcuna imatalla charishcacunatapash shuhuashcamandami llaquichi tucungui.
18Rumita tacashpa ruranata yachaj runa rurashca diosca, ¿imapata ali canga?
Imatapash yacuyachishpa rurashca llullanatalla yachachij diospash ¿imapata ali canga?
Imamambash rijchaj, na rimaj dioscunata ruraj runaca, pai rurashcatallatami yarishpa causan.
19Caspitara: “Rijchari” nijuj runapash,
na rimaj rumita: “Jatari” nijuj runapash, ¡aij imachari tucunga!
¿Chai diosca, imatapash yachachi ushangachu?
Ricuichi, chai diosca curihuan, culquihuan quilpashcallami.
Paica, samaitapash na charinchu.
20Ashtahuangarin Mandaj Diosca,
Paipajlla shicanyachishca huasipimi causan.
Cai pachapi tucui causajcuna, Paipaj ñaupajpica upalla saquirichi.
Who We AreWhat We EelieveWhat We Do
2025 by iamachristian.org,Inc All rights reserved.
