1Davidca, huaranga macanajuj runacunata mandajcunata, patsaj macanajuj runacunata mandajcunata, paipaj cati mandajcunatapashmi tapushpa yachangapa cayarca.
2Chaipimi tandanajushca Israelcunataca, Davidca cashna nirca: “Cangunapi ali cajpi, ñucanchita Mandaj Diospaj munai cajpica, tucui Israel llactapi puchushca huauquicunata, pueblocunapi, michina pambacunapi causaj sacerdotecunata, levitacunata cayashunchi.
3Chashna rurashpami,Taita Diospaj arcataca apamugrina canchi. Ñucanchita mandaj, Saúl mandajui punllamanda cunangamanmi saquishca causanchi” nijurcami.
4Chashna ruranaca tucuicunapaj ali uyarijpimi, ari chashna rurashunchilla ninajurca.
Diospaj arcata apamunata David yarijushcamanda(2 Sam. 6:1-11)5Davidca, Egipto llacta Sihor shuti pambamanda, Hamat shuti puebloman yaicunacaman causanajuj tucui Israelcunatami tandachirca. Taita Diospaj arcata, Quiriat-jearim shuti pueblomanda apamugrichunmi, chashna tandachirca.
6Davidca, tucuilla Israelcunata pushashpami, Mandaj Taita Diospaj arcata apamungapaca, Judá llactapi tiyajuj Baala shuti Quiriat-jearim puebloman rirca. Chai arca jahuapi tiyanajuj querubín angelcunapaj chaupipimi, Mandaj Diostaca mañana carca.
7Diospaj arcataca, mushuj carretapi churashpami, Abinadab shuti runapaj huasimandaca apanajurca. Uza shuti, Ahío shuti runacunami, chai carretataca ñaupashpa rinajurca.
8Davidpash, Israelcunapash tucuillami, Diospaj ñaupajpica, arpata, salteriota, tamborilta, platillota, trompetata taquishpa, ninanda cushijushpa candanajurca.
9Ashtahuangarin, Quidón shuti trillana pambaman chayashpa, huagracuna nitijajpi, arca urmagrijujpimi, Uza shuti runaca, arcata charirca.
10Chaimandami, Mandaj Diosca ninanda fiñarishpa, Uza shuti runataca, chai pushtupillata causaita quichurca. Chashnami Uza shuti runaca, chai arca tiyajun pushtupillata Taita Diospaj ñaupajpi huañurca.
11Uza shuti runapaj causaita, Mandaj Dios quichujpimi, Davidca ninanda llaquirirca. Chaimandami chai pambataca, Pérez-uza shutita shutichirca. Chai pambaca, cunangamanmi chai shutihuanllata tiyajun.
12Davidca, chai punllapica, Taita Diosta ninanda manllashpami: “Taita Diospaj arcataca, napacha ñuca huasimanga apai ushapashachu” nirca.
13Davidca chai pueblopi causajushca paipaj huasiman apaitaca na ushashpami, Gat shuti pueblomandaca Obed-edom shuti runapaj huasiman arcataca aparca.
14Taita Diospaj arcapash, Obed-edom shuti runapaj huasipimi quimsa quillacaman charinajurca. Chaimandami Mandaj Diosca, Obed-edom shuti runataca, paipaj ayllucunandi, tucui imatalla charishcacunandi bendiciarca.
Who We AreWhat We EelieveWhat We Do
2025 by iamachristian.org,Inc All rights reserved.
