1Mandaj Diosta manllajcunaca, ninandami cushijunga.
Paita cazushpa causajcunami, chashna cushijunga.
2Cambaj maquihuan imatalla rurashpa, micushpa causashpaca,
ninanda cushijushpami, ali causaita charingui.
3Cambaj huarmica, cambaj huasi ñaupajpi, ninanda fucuj uva yurashnami canga.
Cambaj huahuacunaca, cambaj meza muyundipica, olivo yuracunashnami canga.
4Mandaj Diosta manllaj runaca, chashnami bendiciai tucunga.
5Mandaj Diosca, Sion pueblomanda candaca bendiciapachun.
Jerusalén pueblo ñaupajman rijujtaca, Cambaj tucui causaipimi ricungui.
6Cambaj huahuacunapaj huahuacunatapash, ricungacamanmi causangui.
Israel llactapica, ali causana tiyachun.
Who We AreWhat We EelieveWhat We Do
2025 by iamachristian.org,Inc All rights reserved.