1Fariseocunapash, saduceocunapash, Jesuspajman shamushpami, imata tigrachijpipash, juchachingapa munashpa, “pipash na rurai ushanallata rurashpa ricuchi” nishpa mañanajurca.
2Ashtahuangarin, Jesusca cashnami nirca:
“Ña amsayajujpica: ‘Indi huashajushpa fuyuta pucayachijpimi, cayapaca ali punllami cagrin’ ninata yachanguichi.
3Shinallata tutamandata: ‘Yana fuyu ricurijpica, ninan huairahuanmi tamiagrin’ ninatami yachanguichi. ¡Mishqui shimi, jayaj shungucunami canguichi! Cangunaca, fuyuta ricushpami, punlla imashna chishanatapash yachanguichi. ¡Ashtahuangarin, pipash na rurai ushanallacunata cunan punllacunapi rurajujta ricushpapash, chaitaca na yachai ushashpami causanguichi!.
4Jatun na ali miraicuna, cazarashca jahua shujcunahuan causajcunami, pipash na rurai ushanallata rurashpa ricuchijuchun mañanajun, ashtahuangarin pipash na rurai ushanallata rurashcataca napacha ricungachu. Profeta Jonás imashnami tucurca, chashnatallami ricunajunga” nircami.
Shina nishpallami Jesusca, paicunata saquishpa rirca.
Fariseocuna yachachishcacunaca, levadurashnami cashca nishcamanda(Mar. 8:14-21)5Jesuspaj yachajujcunaca, tandata apanataca cungashpami, cuchata chimbashca carca.
6Chaipimi Jesusca, paicunata cashna nirca:
“Ricuichi, pactarallapash fariseocunapaj, saduceocunapaj levaduratara chasquinguichiman” nircami.
7Shina nijpimi, paicunapaj shungupica cashna yarinajurca:
“Tandata na apamushcata yachashpami, chashna nijun” ninajurca.
8Chashna yarinajujta yachashpami, Jesusca cashna nirca:
“¡Na tucui shunguhuan crij runacuna! ¿Imashpata cangunapaj shungupica, ‘tandaca illanchimari’ nishpa yarinajunguichi?.
9Picha tandata, picha huaranga runacunaman carajpi, mashna canasta jundata tandachishcatapash, ¿nachu yaringuichi? ¿Chaitaca nachu yuyaipi japinguichi?
10Shinallata, canchis tandata, chuscu huaranga runacunaman carajpi puchushcataca, mashna canastata tandachishcatapash, ¿nachu yaringuichi?
11‘¿Imashpata na yuyaipi japinguichi? Fariseocunapaj, saduceocunapaj levaduratara, pactarallapash chasquinguichiman’ ninimi. Chashna nishpaca, tandata na apamushcamandaca, na nijunichu” nircami.
12Jesús chashna nijpimi, Paipaj yachajujcunaca, tandata rurana levaduramandaca na parlajushcata yacharca. Ashtahuangarin, “fariseocuna, saduceocuna yachachishcataca na catinachu” nishcatami yacharca.
Pedroca, “Cristomi cangui” nishcami(Mar. 8:27-30; Luc. 9:18-21)13Jesusca, Cesarea de Filipo llactaman chayamushpami, Paipaj yachajujcunataca:
“Gentecunaca, Runa Aichayuj tucushca Ñucataca, ¿pi yashpashi ricuhuan?” nishpa tapurca.
14Shina nijpimi paicunaca, cashna ninajurca:
“Huaquinguna, Bautizaj Juanmi yanajunmi. Shujcunaca: ‘Eliasmi yanajunmi. Shujcunaca: Jeremiasmi canga, na cashpaca profetapuramanda maijambashmi canga’ ninajunmi” ninajurca.
15Shina ninajujpimi Jesusca:
“¿Cutin, cangunaca, maijan canga yahuanguichita?” nirca.
16Shina tapujpimi, Simón Pedroca:
“Canga, causajujlla Taita Diospaj Churi Cristomi cangui” nirca.
17Shina nijpimi Jesusca cashna nijurca:
“Jonaspaj churi Simón, canga ninandapacha cushijuilla. Chashna rimachunga, aichata yahuarta charij runaca na yarichircachu. Ashtahuangarin, jahua pachapi Ñuca Taitami chashna yarichirca.
18Ñucapash candaca, Pedromi cangui ninimi. Ñucata crishpa catijcunataca, cai rumi jahuapimi huasichisha. Paicunataca, Hadespaj pungucunapash na mishai ushangachu.
19Jahua pachapi Dios mandajuj llactapaj, pascanacunatami canman cusha. Cai pachapi tucui imatapash huatashpa saquijpica, jahua pachapipash huatashcami canga. Shinallata, cai pachapi tucui imatapash cacharijpica, jahua pachapipash cacharishcami canga” nircami.
20Shinamandami, Paipaj yachajujcunata cashna nishpa mandarca:
“Cristo cajtaca, pimambash na villanachu canguichi” nirca.
Jesusca, Pai huañunatami villashca(Mar. 8:31—9:1; Luc. 9:22-27)21Chai punllamandami Jesusca, Paipaj yachajujcunaman villai callarirca:
“Paica, Jerusalenman rishpa, mandaj ancianocuna, sacerdotecunata mandajcuna, mandashca Shimita yachachijcuna, ninanda llaquichishpa huañuchijpipash, quimsa punllahuanga causarinatami” villajurca.
22Shina nijpimi Jesustaca, Paitalla pushashpa, Pedroca cashna ninanda nijurca:
“Apunchi Jesús, Canllata llaquirinami cangui. Chai llaquica, amapacha japichun” nircami.
23Shina nijpimi tigrarishpa ricushpa Jesusca, Pedrotaca cashna nirca:
“¡Ñuca ñaupajmanda anchuri, Satanás! ¡Canga, Ñucata nitijachijshna pandachingapallami cangui!, Taita Dios munashcashnaca canga na yarijunguichu. Ashtahuangarin, gentecuna munashcatallami yarijungui” nircami.
24Shina nishpallami Jesusca, Paipaj yachajujcunataca cashna nijurca:
“Maijan cashpapash Ñucata catingapa munashpaca, paipaj causaita na llaquishpa, paipaj cruzta aparijshna Ñucata catihuachun.
25Maijan cashpapash, paipaj causaitalla quishpichingapa munashpaca, chingaitami chinganga. Ashtahuangarin Ñucata catijushcamanda huañunatapash na manllashpaca, causaitami taringa.
26Shuj runa cai pachapi ima tiyajtapash tucuita japishpa charijyashpapash paipaj alma chingaita chingagrishpaca, ¿ima alita cangayari? Chashna chingashpaca, paipaj almamandaca, ¿imatashi cui ushanga?
27Runa Aichayuj tucushca Ñucami, Ñuca Taitapaj punchapamba ninan ushaihuan, Paipaj angelcunandi shamusha. Shina shamushpami, imatalla rurashcamandapash ricushpa tucuicunaman cuna cani.
28Na llullashpami, cangunataca cashna nini: Runa Aichayuj tucushca Ñuca tigramushpa mandajujta nara ricushpaca, huaquingunaca na huañungachu” nircami.
Who We AreWhat We EelieveWhat We Do
2025 by iamachristian.org,Inc All rights reserved.
