1Jahua pachapi tiyaj angelcunaca, tucuicunami Mandaj Diostaca alicachina canguichi.
Mandaj Diostaca: “Jatunmari cangui, ninan ushaita charijmi cangui” ninami canguichi.
2Mandaj Diostaca, ninan ushaita charijpimi, jatunyachina canguichi.
Mandaj Diostaca, jucha illaj cajpimi jatunyachina canguichi.
3Mandaj Dios rimashca shimicunaca, mama cucha jahuapimi uyarijun.
Ninan ushaita charij Mandaj Dios rimashca shimicunaca uyarijunmi.
Mandaj Diosca, mama cucha jahuapimi uyarijun.
4Mandaj Dios rimashca shimicunaca, ninan ushaihuanmi uyarijun.
Mandaj Dios rimashca shimicunaca, ninan ushaihuanmi uyarijun.
5Mandaj Dios rimashca shimicunaca, cedro quirucunatapash faquinllami.
Mandaj Diosca, Líbano urcupi tiyaj cedro quirucunatapash faquircallami.
6Pai rimashpaca, huahua shicutashnami fahuachirca.
Líbano, Sirión urcucunataca, huahua búfalo huagratashnami fahuachirca.
7Mandaj Dios rimashca shimicunaca, ninanda rupajuj ninashnami shamujun.
8Mandaj Dios rimashca shimicunaca, jichushca pambatapashmi chujchuchin.
Mandaj Diosca, Cades shuti jichushca pambatapashmi chujchuchin.
9Mandaj Dios rimashpaca, encina quirucunatapash faquinllami.
Sachapi yuracunatapash, malqui illajtami saquin.
Paipajlla huasipica, tucuicunami ninan ushaita charij cajta villanajun.
10Mandaj Diosca, ninan tamiatapashmi mandajun.
Mandaj Diosmi, causaita causaicaman mandashpa tiyajun.
11Mandaj Diosmi, Paipaj gentecunamanga ushaita cunga.
Mandaj Diosmi, Paipajlla gentecunamanga, cushijushpa causachun bendicianga.
Who We AreWhat We EelieveWhat We Do
2025 by iamachristian.org,Inc All rights reserved.
