Psalms 47 - Quichua Imbabura 2016

Taita Diosmi, tucui cai pachataca mandajunCandajcunata mandaj candachijuchun, Coré shuti runapaj miraicuna rurashca Salmomi.

1Tucui gentecuna, cushijuihuan maquita huajtaichi.

Taita Diostaca, ninan cushijuihuan caparishpa candaichi.

2Jahua pachapi causajuj Mandaj Diostaca, manllanami canguichi.

Paica, tucui cai pachapi ashtahuan Jatun Mandajmi.

3Paimi, ñucanchita fiñajcunata, ñucanchi mandanajuchun churanga.

Shuj llacta gentecunata, ñucanchi mandachunmi churanga.

4Paimi, ñucanchiman cuna alpataca cunga.

Jacob ninanda juyashca llactatami ñucanchiman cunga. Selah

5Taita Diosca, ninanda cushijushpa candanajujpimi vichai rirca.

Mandaj Diosca, trompetata huacachijpimi rirca.

6Taita Diostaca, candanajuichilla.

Ñucanchi Jatun Mandajtaca candanajuichilla.

7Taita Diosmi, tucui cai pachapica Jatun Mandaj.

Paitaca, ali yarishpami candana canguichi.

8Tucui llactacunatami, Taita Diosca mandajun.

Jucha illaj tiyarinapi tiyarishpami mandajun.

9Pueblocunapi mandajcunami tandanajurca.

Abrahambaj Taita Dios agllashca gentecunashnami tandanajurca.

10Cai pachapi mandana ushaita charijcunaca, Taita Diospajmi.

Diosmi, ninanda jatunyachi tucujun.