1Llaquita apajui punllapi mañashcataca, Mandaj Dios uyapachun.
Candaca, Jacobpaj Taita Dios mitsashpa jarcachun.
2Candaca, Paipajlla shicanyachishca ucumanda yanapachun.
Sionmanda, candaca shinllichishpa charipachun.
3Cambaj tucui ofrendacunataca, chasquishpami ali canman.
Diosman cushpa tucuillata can rupachishcatapash, chasquishpami ali canman. Selah
4Cambaj shungu mañashcata pactachishpami ali canman.
Can imatalla yarijushcataca, pactachishpami ali canman.
5Ñucanchica, Can quishpichijpimi cushijushun.
Ñucanchi Taita Diospaj shutipimi, banderatapash jahuapi churashun.
Tucui imatalla mañashcataca, Mandaj Dios uyapachun.
6Mandaj Diosca, Pai agllashca jatun mandajta quishpichij cajtaca yachanimi.
Paipajlla jahua pachamandami uyanga.
Ninan ushaita charij Paipaj ali maquihuanmi quishpichinga.
7Cai runacunaca carretacunata,
caishuj runacunaca, caballocunatami yarianajun.
Ashtahuangarin ñucanchica, ñucanchita Mandaj Taita Diospaj shutitami yariashpa causanchi.
8Paicunaca, irquiyashpami urmanajun.
Ashtahuangarin ñucanchica, jatarishpami ali shayanajunchi.
9Mandaj Dioslla, quishpichihuayari.
Jatun Mandajca, ñucanchi mañajui punllapica uyashca cachun.
Who We AreWhat We EelieveWhat We Do
2025 by iamachristian.org,Inc All rights reserved.
