AMÓS CALLARI YUYAI - Quichua Imbabura 2016
CALLARI YUYAIJesucristo huacharingapa, 760-750 huatacuna tiyajpillatami, profeta Amosca villajushca.Paica, shuj uchilla llactagupi causaj, llamacunata, huagracunata michij runallami cashca. Shina cashpapash janajman saquirishca llactacunapi causanajuj Israelcunaman villangapami, cayai tucushca.Chai huatacunapica Israelcunaca, imapash na illajpimi, cushijushpa causanajushca. Shina cashpapash imatapash ali cashcatalla ruranataca na yarishpami, pingaitapash na pingashpa na alitalla rurashpa causanajushca. “Yangallatami Taita Diostapash yarinchi” ninajushca.Ashtahuangarin imagupash illaj gentecunatapash ninanda llaquichishpami, huaquingunaca ninanda charijyanajushca.Profeta Amós runaca, quimirialla llactacunapi causajcunata Dios llaquichinatami, villai callarishca.Callari capitulomanda 2:5 caman ricujpica, Israelcunapash, Judá llactapi causajcunapash, Dios agllashcacuna cashpapash, paicunallata juchata rurashcamandaca ninanda llaquichi tucunatami villashca.Shinallata: “Varahuan tupushpami llaquichinga” nishpaca, “Tucuicunatami chashnallata llaquichinga” nishpami, chashna nishca. Taita Dios agllashca gentecuna cashpalla na quishpirinata, ashtahuangarin Dios agllashcacuna cashpata juchata rurashcamanda ninanda llaquichi tucunatami villashca.Picha llaquicunata muscuipishna ricushcataca, capítulo 2:6 manda 6:14 camanmi villajun.Jatun Diosca, ninanda llaquichina cashpapash, jipa punllacunapi cutinllata paicunata llaquishpa alichinatami, ña tucuri quilcapica capítulo 7:7 manda 9:15 caman villajun.Amós runaca, tucui gentecunahuan imatapash ali cashcatalla ruraj runami cashca. Shina cajpipash Amós runaca, na chaimandalla yalita villarcachu. Ashtahuangarin cai pachapi na llaquichi tucungapa munashpaca, imatapash ali cashcatalla rurashpa, Taita Diospajlla causachun, ima na alitapash na rurashpa causachunmi yachachijushca.Maijambash na alita rurajpica, Taita Diosca llaquichij cajta, paita mañajpipash na uyajujtami villajun.
