1Profeta Habacuc runami, Dios villashcata ricushca.
2Mandaj Dioslla, ¿Ñuca mañajujtaca, ima punllacunacamanda na uyagrihuangui?
Cai llaquicunamanda caparishpa mañajujpipash,
¿ima punllacunacamanda na quishpichigringui?
3¿Imashpata na alicunatara ricuchishpa, llaquicunata apachun saquihuangui?
Ñucaca ninanda llaquichishpa tucuchijcunatami ricujuni.
Fiñanajujcuna, maitapash rimarijcunallami jatarinajun.
4Mandashcatapash, napacha cazunajunllu.
Alitalla runatapash, yangapimi churanajun.
Diosta na manllaj runaca, alitalla ruraj runatarami llaquichijun.
Alitalla rurana randica, llaquichitarami llaquichinajun.
Judá llactataca, caldeo runacunami llaquichinga5Taita Diosca, cashnami nirca: “Shuj llactacunata ricushpa ninanda manllarichiyari.
Ñucaca, canguna causajui punllacunapimi, shuj ruranata rurasha.
Chaita villajpipash, na crishpami causanguichi.
6Ñucaca caldeo runacunamanmi, cangunata llaquichina yuyaita cugrini.
Paicunaca, na llaquishpa ninandapacha llaquichijcunami.
Tucui llactacunata purishpami, shujcunapaj alpacunata quichunajun.
7Paicunaca manllanayaipacha, jatun na ali runacunami.
Mandashcacunataca, paicunallata rurashpami, paicunallata jatun tucunajun.
8Paicunapaj caballocunaca, leopardocunatapash yali calpajcunami canga.
Tuta purij atujcunatapash yali millaicunami.
Caballocunapi tiyarij rurajcunaca, ashtacacunami caru carumanda shamunajunga.
Jatun angacuna micungapa jahuata ñapash shamujshnami shamunajunga.
9Tucui paicunami, llaquichingapa shamunga.
Ninanda manllachinaca, paicunata ñaupashpami rijun.
Tiyu alpata tandachijshnami, prezu japinajunga.
10Jatun mandajcunatapash na cazushpami asinajunga,
Cati mandajcunataca asishpami ricunajunga.
Shinlli torrecunata ricushpapash, ninandami asinajunga.
Alpata mundunashpa yaicushpami, pueblota quichunga.
11Paicunaca, acapanashnami yaicunajunga.
Ñucanchi diosmi ushaita caran ninajungami” nijurcami.
Habacuc runa, Taita Diosta rimashcamanda12Mandaj Dioslla, ñuca Taita Dioslla, jucha illaj ñuca Dioslla.
Canga, causaita causaj Diosmi cangui.
Shinamandami ñucanchica napacha huañushun.
Mandaj Dioslla,
caldeo runacunamanga Canmi ushaita curcangui.
Ninan ushaita charij Dioslla,
ñucanchita llaquichingapami paicunataca caiman cachamurcangui.
13Canga jucha illaj cashpami, na alitaca napacha ricunayachingui.
Llaquita apanajujtaca, napacha ricungapa munanguichu.
¿Imashpata na alita rurajcunataca ricujunguilla?
Canda na manllaj runaca, paitapash yali alitalla ruraj runatarami llaquichijun.
Chaitaca, ¿imashpata upalla ricujunguilla?
14¿Imashpata runacunataca, mama cuchapi pijicunatashna,
llucashpa rij, animalcunatashna mandaj illajta saquingui?
15Babilonia llacta runacunaca, tucuicunatami anzuelohuajshna japinajunga.
Linllihuan japishpami, paicunapaj jirru linllicunapi tandachinajunga.
Chashna rurashpami, ninandapacha cushijushpa asinajunga.
16Shinamandami, paicunapaj linlliman animalcunata cushpa huañuchinajun.
Jirru linllicunamambash, sahumeriotami cushnichinajun.
Chaicunahuanmi, ashtahuan ali micunatalla ashtacatapacha charinga.
17Paicunaca, ¿chai linllihuanga ñucanchitaca japinajungallachu?
Llactacunataca, ¿na llaquishpa tucuchinajungallachu?
Who We AreWhat We EelieveWhat We Do
2025 by iamachristian.org,Inc All rights reserved.
