1Juyashca crijcuna, Apunchi Jesusmanda villajuj Shimita canguna chasquishcashnallata, maipi cashpapash alicachishpa chasquichun, ñucanchimandaca Diosta mañapanguichi.
2Jatun na alita ruraj, na ali runacuna, ñucanchita ama llaquichinajuchumbash mañapanguichi. Jesustaca na tucuicuna cringallachu.
3Ashtahuangarin Apunchi Jesusca, tucuita pactachij cashpami, cangunataca tucui na alicunamanda huacaichishpa shinllichinga.
4Ñucanchi imata mandashcatapash cangunaca, Apunchi Jesusta yariashpami, cunanbi alita ruranajujtapash, jipaman alita rurashpa catinatapash yachanchi.
5Taita Diospaj juyaita charichun, Jesucristoshnallata na ñapash fiñarijcuna cachunmi, Taita Diosllata cangunata yachachijunga.
Imagutapash rurashpami causana6Juyashca crijcuna, ñucanchi Apunchi Jesucristopaj shutipimi cashna mandanchi: Ñucanchi yachachishcata na cazushpa, yanga yanga purinajuj crijcunahuanga na tandanajunachu canguichi.
7Ñucanchi, cangunahuan pacta cashpaca, na yanga yanga purishpami, imatapash aliguta rurashpa causarcanchi, chaitaca yachanguichimi. Shinallatami cangunapash catina canguichi.
8Shinallata, pipaj micunatapash na yanga micushpa purishcachu canchi. Ashtahuangarin, imatapash mañashpa pitapash ama fiñachingapami, tutapash punllapash na samashpa, imagutapash rurashpa causarcanchi.
9Mañai ushanalla cashpapash, ñucanchita ricushpa canguna catichunmi, imatapash na mañarcanchi.
10Cangunahuan chaipi pacta cashpami, cashnatapash mandarcanchi: Maijambash yanga yanga causangapa munashpaca, micuitapash ama micuchun nircanchimi.
11Cangunapuramanda huaquingunaca, yanga yanga causashpami, imata rurangapapash na munashpa, shujcunapaj rimaicunapi satirishpa purinajun nijta uyanchi.
12Shina purijcunataca, Apunchi Jesucristopaj shutipimi: “Cangunallata imagutapash rurashpapachami micuna canguichi” nishpami, shinllita rimashpa mandanchi.
13Juyashca crijcuna, cangunaca alita ruranataca napacha shaijunachu canguichi.
14Cangunaman cashna nishpa quilcamushcata, maijambash na cazungapa munajpica, pai na ali cashcata ricuchishpami, pingai tucuchun na tandanajuna canguichi.
15Ashtahuangarin, paitaca na fiñashpami, cambaj huauquitashnalla, shinlli rimashpa yachachina canguichi.
“Dios bendiciapachun” nishpami tucuchishca16Ali causaiguta caraj Taita Diosllata, tucui causaipi chai causaiguta cangunaman carachun ninchimi. Shinallata, Taita Diosca, cangunahuan pacta cachun ninchimi.
17Pablomi cani. Tucuilla quilca fangacunapi, ñuca maquihuambacha quilcashcashnami, cangunataca “alillachu capanguichi” nishpa quilcashpa cachamuni.
18Ñucanchi Apunchi Jesucristopaj ninan juyaica, tucui cangunahuan cachunmi munani. Chashna cachun.
Who We AreWhat We EelieveWhat We Do
2025 by iamachristian.org,Inc All rights reserved.
