Psalms 101 - Quichua Imbabura 2016

Alitalla rurashpa causanamandaDavid rurashca Salmomi.

1Mandaj Dioslla,

Cambaj ninan juyaihuan, alitalla rurashcamandami candasha.

Mandaj Dioslla,

Candallami alicachisha.

2Can, ñucahuan causajpimi, imashna ali canatapash yachajusha.

Ñuca mandana huasipipash, aliguta yarishpami causajusha.

3Na alita ruranataca, napacha yarishachu.

Diosmanda anchurishpa na alita rurajcunaca, napacha alicachinichu.

Paicunaca, ñucapajmanga napacha quimirimungachu.

4Na alita ruraj runahuanga napacha tandanajushachu.

Na alita ruraj runahuanga, imatapash napacha rurashachu.

5Pitapash huashalla rimajcunataca, ñucami tucuchisha.

Jariyashpa ricujcunata, shungupi jariyajcunatapash, na chasquinichu.

6Cai pachapi cazushpa causajcunahuanmi tandajusha.

Imatapash na pandashpa, alita rurashcacunami, ñucapajta ruraj shamunga.

7Umachishpa na alita ruraj runaca, na ñuca huasipi causangachu.

Llullashpa causaj runaca, ñuca ñaupajmanga na shamui ushangachu.

8Diosta na manllashpa causajcunataca, punllandimi tucuchisha.

Na alita rurashpa causajcunata,

Mandaj Diospaj pueblomanda tucui tucuchingapami chashna rurasha.