1Diospaj Espirituca cashna nishpami aligutapacha villajun: Jipa punllacunapica huaquingunaca, crishcatapash saquishpami, llulla espiritucunatara uyashpa, ayacunapaj yachachishcatara catinajunga.
2Paicunapaj yuyaipash na aliman tigrashca cashpami, imatapash nij tucushpalla llullashpa villanajunga.
3Shina cashpami, cazaranatapash jarcanga. Taita Dios churashca micunacunatapash, na micunachu canguichi ninajungami. Na llullashpa villajuj Shimita crishpa catijcuna cashpami, Taita Dios caramujujtaca, pashi nishpa micunalla canguichi.
4Taita Dios churashcacunaca tucui ali cajpimi, imatapash na shitashpa, Diosta “pashi” nishpa micunalla canguichi.
5Diospaj Shimimanda,Taita Diosta mañashcamandami, ima micunapash Dios bendiciashca tucun.
Jesucristopajta alipacha ruraj canamanda6Crijcunaman cai shimicunata yachachishpaca, Jesucristopajta alipacha rurajmi cangui. Crinamanda yachachijuj shimicunata, Diosmanda ali yachachishcatapash, ali catijushcamandami, alipacha micushcashna cangui.
7Diosta yangapi churaj parlocunata, paya huarmicunapaj yanga parlocunataca, saquinapachami cangui. Diosta yarishpa causanatallami yarina cangui.
8Cuerpo shinlliyachun pugllanaca, ashapajllami ali. Ashtahuangarin, Diosta yarishpa causanaca tucuipajmi ali. Shina causashpami, cai causaipipash, jipa causaipipash, Pai “carashapachami” nishcataca japinata charingui.
9Cai shimicunataca, chashnapacha cajpimi, tucuicuna alicachishpa chasquinata charin.
10Causajujlla Taita Diosta shuyanajushpami, na alicachishpa rimanajujpipash, Paipajtalla rurashpa catinajunchilla. Diosca, tucui gentecunatami quishpichingapa munan. Shina cajpipash, Paita crijcunatallami quishpichinga.
11Caitaca yachachishpa mandapangui.
12Pipash candaca, chairalla viñai cajpilla na cazungapa munanman. Ashtahuangarin, crijcuna canda ricushpa catichunmi, aliguta parlaj, aliguta causaj, juyaita charij, Diospaj Espirituhuan causaj, alipacha crij, ima na alitapash na ruraj cana cangui.
13Ñuca shamungacamanga, Diospaj Shimitaca, tucuicunapaj ñaupajpi quilca catishpa, aliguta yarichishpa yachachingui ninimi.
14Taita Dios, canman ushaita carashcahuanga, Diospajta rurashpa catijunguilla. Chaitaca, profetacuna villashcashnami, tandanajushca ancianocuna, cambaj umapi maquita churashpa mañajpi chasquircangui.
15Tucui caicunataca pactachishpa catingui. Chaitaca tucuicuna ricushpa alicachinajuchunmi, pactachishpa causana cangui.
16Canga ali yuyaihuanmi causana cangui, Shinallata, imata yachachinatapash alimi yachana cangui. Shina causashpami, cambash, can villajpi uyajcunatapash quishpichingui.
Who We AreWhat We EelieveWhat We Do
2025 by iamachristian.org,Inc All rights reserved.
