HEBREOS CALLARI YUYAI - Quichua Imbabura 2016
CALLARI YUYAICai Hebreos quilcashcapica, tucuri capitulopillami aliguta villashpa quilcashcashnallapacha quilcashcata ricuchijun. Cai quilcashcapi aligutapacha ricujpica, tandanajushcapi aliguta yarichishpa, na ali ruranacunata jarcashpa rimashcashnami ricurin.Chaimi, cai tucuilla quilcashcata ricujpica, Judá llactapi causanajuj crijcunaman quilcashcashnalla ricurin. Paicunaca, gentecunapash na alicachijpi, llaquichishpa charijpimi, crishcatapash saquishpa, paicunapaj ñaupa taitacuna imacunata crishpa causanajushcashna, ima na alicunatapash rurashpa causangapa munanajushca yarin.Chaimandami, cai Hebreos quilcashcata quilcaj runaca, paicunata crichingapapacha munajushca.Cai quilcashcaca callari capitulomanda, capítulo 3caman ricujpica, imatalla nijujta tandachishcamanda, ashtahuambachaca Taita Dios imashna cajta, paipaj Churi Jesucristo ricuchijujtami ricuchin.Chai jipaca, chai jatun yachanatami, callarimanda aliguta cashna yachachin: Causaita causaicaman causajuj Diospaj Churi Jesuspash imashna Diosta cazunata yachajushcatami yachachin.Jesusca, llaquicunata apashpa na fiñarishpa cazunatami yachajushca. “Jesusca, profetacunatapash yali jatunmi” nishpami, 1:1 pica villajun.Shinallata: “Na chai profetacunatalla yali jatunmi” nishpa, ashtahuangarin “Diosmanda villaj angelcunatapash yali jatunmi” nishpami, capítulo 1:4 manda 2:18 caman villajun.Shinallata Jesusca Moisestapash, sacerdote Josuetapash yalimi. Punda sacerdotecunatapash yali cajpimi Taita Diosca, Jesustaca: “Candaca, sacerdotecunata mandaj sacerdotetami rurani” nishca. Chaitaca, 3:1 manda 4:13 caman, shinallata 4:14 manda 7:28 camanmi villajun.Taita Diosca, Paimandami tucuimanda yali alita rurangapa mushujta ari nishca. Chaitaca, 8:1 manda 9:28 camanmi villajun.Jesusca paillata, Taita Diosman curishpa huañushpami, juchacunamanda Taita Diosman cushpa huagracunata, chivocunata rupachishcatapash ashtahuan yali cashca. Paillatami animalta cushpa huañuchij sacerdoteshna tucushpa, causaita causaicaman chashna rurashca.Juchacunata anchuchishcamandaca, na ashtahuan imatapash cunachu. Shina cajpimi, pipash Paita crishpaca juchamandapash, manllaimandapash, huañuimandapash quishpirin.Ñaupa huatacunaca, juchamanda animalcunata Diosman cushpami rupachinajushca. Taita Dios ari nishcata ricuchingapallami cashca. Ashtahuangarin cunanga, Jesús huañushpa yahuarta jichashcamandami, na llullaj quishpirinataca charinchi. Chaitaca, 10:1 manda 31camanmi villajun.Chai quishpirinataca, Jesusta crishpallami charinchi. Cai quilcashcata quilcaj runaca, punda crishpa callarishcataca, Judá llactapi causanajuj crijcunaman imashna causashcata yarichishpami quilcashca. Ashtahuangarin Jesustashna llaquichina shamujpipash, catiriyashpa llaquichinacuna chayamujpipash na fiñarishpa, ashtahuangarin Jesustalla catishpa causanatami yachachijun.Chaimandami tucui crijcuna, shinllita crishpa Jesustalla ricuriashpa catina canchi. Jesusta crishcamanda ninanda llaquichijpipash, chai llaquicunataca apanallami canchi. Cai quilcashcata quilcashpa tucuchijushpaca, “Taita Dios munashcashna causapanguichi, tucui imatapash alita rurashpa, aliguta yarishpa causapanguichi” nishpami, “Ali causaiguta charipanguichi” nishpa, quilcashpa tucuchin. Chaitaca, tucui capítulo 13 pimi villajun.
