1Sacerdotecunapash aliguta uyaichi.
Israelcunapash, jatun mandajpaj huasipi mandashpa tiyajcunapash, aliguta uyahuaichi.
Cangunami gentecunataca, linllihuan japinshna,
Mizpa shuti pambapipash, Tabor shuti urcucunapipash,
rurashcalla dioscunata mañachun aparcanguichi.
Chaimandami cangunataca, ninanda llaquichigrini.
2Cangunaca chashna juchacunata rurashpami, ashtahuan na alita rurashcangui.
Chaimandami, ninandapacha llaquichigrini.
3Ñucami, Efrainmanda mirai ayllucunataca rijsini.
Israel ayllucunatapash alimi ricurcani.
Efraín ayllu gentecunaca, ninan na alicunatami rurarcanguichi.
Israelcunapash tucuillami mapayarcanguichi.
4Paicunapaj shungupica, huainayanshna na ali munailla junda cashpami.
Taita Diospaman tigraringapaca na munashpa causanajun.
Chashna cashpami, paicunata Mandaj Diostaca na rijsishpa causanajun.
5Israelcuna, jariyashpa na cazushcacunaca, paicunatallatami llaquiman apanga
Israelcunapash, Efraín ayllupash, paicunapaj juchapillatami nitijajshna urmanajunga.
Judá llactapi causajcunapash, chashnallatami urmanajun.
6Paicunaca llamacunata, huagracunata apashpami, Mandaj Dios Ñucataca mascanajunga.
Mascashpapash, napacha taringachu.
Mandaj Dios Ñucaca, paicunamanda anchurishami.
7Mandaj Diosta na cazushpami juchata rurashca.
Chashna causanajushpami, shuj taitapaj huahuacunashna tucushca.
Chashna cashcamandami, paicunatapash paicunapaj alpacunatapash, shuj quillallapi tucuchigrini.
8Gabaa shuti pueblopica, cachutami huacachina canguichi.
Ramá shuti pueblopica, trompetatami huacachina canguichi.
Bet-avén shuti pueblopica ninandami caparina canguichi.
Benjamín ayllu gentecunaca, ninandami manllaringuichi.
9Llaquichijui punllapica, Efraín ayllucunami, ninanda llaquichi tucunga.
Israel ayllucunamanmi, ima llaqui tiyanataca na llullashpa villajuni.
10Judá llactata mandajcunaca, mujungunata yalijshnami na cazushpa purinajun.
Ñuca fiñarishcataca, ninan llaquicunata cachamushpami ricuchisha.
11Efraín ayllucunaca, ña llaquicunata apashcami.
Paicunaca, rurashcalla dioscunatami cazushpa causangapa munashca.
12Efraín ayllupaca, polilla jurushnami cagrini.
Judá llactapi causajcunapajca, ismuchij jurushnami cagrini.
13Efraín ayllucunataca, ninan ungüita cachamushpami llaquichisha.
Judá llactapi causajcunaca, carachahuanmi ismunga.
Chaimandami Efraín aylluca, Asiria llactata jatun mandaj Jareb shuti runata yanapachun mañanga.
Ashtahuangarin chai ungüitaca, pipash na jambi ushangachu.
14Ñucami, Efraín ayllupaca leonshna cani.
Judá llactapi causajcunapajca, huahua leonshnami cani.
Ñucallatami, paicunataca apashpa risha.
Ñuca maquimanda quichungapaca, pipash na tiyangachu.
Israelcuna, napacha llaquirishcamanda15Paicuna juchayu cashcata yarishpa, Ñucapajman tigramungacamanmi,
Ñuca maipi cashcapi shuyagrisha.
Paicuna llaquita apashpami, Ñucataca mascanajunga” nijurcami.
Who We AreWhat We EelieveWhat We Do
2025 by iamachristian.org,Inc All rights reserved.
