Psalms 146 - Quichua Imbabura 2016

Alitalla ruraj Dios cajpi alicachishcamandaAleluya.

1Ñucaca, Mandaj Diostallami alicachijusha.

2Ñuca causaipica, Mandaj Diostallami alicachijusha.

Taita Diostaca, ñuca causajushpallatami, salmocunahuan candajusha.

3Mandajcunatapash, huañuna aichayuj runatapash, na yariashpa causanachu canguichi.

Paicunaca, na quishpichi ushangachu.

4Paicuna huañushpaca, alpallatami tigranga.

Imata yarinajushcapash, chai punllallatami tucuringa.

5Jacobpaj Taita Dios yanapajpi causaj runaca, ninandami cushijunga.

Paica, paita Mandaj Taita Diostallami shuyashpa causanga.

6Taita Diosmi, jahua pachatapash, cai pachatapash rurashca.

Mama cuchatapash, chaicunapi tucui imalla tiyajcunatapashmi rurashca.

Pai ima nishcatapash na llullashpami, causaita causaicaman pactachinga.

7Llaquipi causajcunata yanapashpa charij Diosmi.

Yarjachijcunaman micunata caraj Diosmi.

Mandaj Diosmi, llaquipi causajcunataca cacharichin.

8Mandaj Diosmi, ñausacunapaj ñavitapash pascajun.

Mandaj Diosmi, urmashcacunataca jatarichijun.

Mandaj Diosmi, alitalla rurajcunata juyajun.

9Mandaj Diosmi, shuj llactamanda shamujcunatapash huacaichijun.

Taita mama illaj huahuatapash,

sapalla mamagutapash, Paimi yanapajun.

Ashtahuangarin, Paita na manllajcunapaj causaitaca tucuchingami.

10Mandaj Diosca, causaita causaicamanmi mandajunga.

Sion pueblopi causajcunalla,

cangunapaj Taita Diosca, mirai miraicamanmi mandajunga.

Aleluya.