1Mandaj Diostaca, alicachinami canguichi.
Paica alimari.
Paipaj ninan juyaica, causaita causaicamanmi.
2Rurashcalla dioscunataca yali ushaita charij Dios cajpimi, alicachina canguichi.
Paipaj ninan juyaica, causaita causaicamanmi.
3Mandajcunata, Jatun Mandajtaca alicachinami canguichi.
Paipaj ninan juyaica, causaita causaicamanmi.
4Jatun manllarinacunata ruraj Diostaca alicachinami canguichi.
Paipaj ninan juyaica, causaita causaicamanmi.
5Alipacha yachaihuan, jahua pachata ruraj Diostaca alicachinami canguichi.
Paipaj ninan juyaica, causaita causaicamanmi.
6Cai pachata, telata chutanshna yacu jahuapi churaj Diostaca alicachinami canguichi.
Paipaj ninan juyaica, causaita causaicamanmi.
7Jatun punchayachijcunata ruraj Diostaca alicachinami canguichi.
Paipaj ninan juyaica, causaita causaicamanmi.
8Inditaca punllata mandachunmi churarca.
Paipaj ninan juyaica, causaita causaicamanmi.
9Lunata, luzerocunataca, tutata mandachunmi churarca.
Paipaj ninan juyaica, causaita causaicamanmi.
10Egiptopi causajcunapaj, punda huacharishcacunata huañuchij Diostaca alicachinami canguichi.
Paipaj ninan juyaica, causaita causaicamanmi.
11Paicunapaj chaupimanda, Israelcunata llujchimuj Diostaca alicachinami canguichi.
Paipaj ninan juyaica, causaita causaicamanmi.
12Paica, ninan ushaihuanmi llujchimurca.
Paipaj ninan juyaica, causaita causaicamanmi.
13Puca Cuchata caiman chaiman chaupij Diostaca alicachinami canguichi.
Paipaj ninan juyaica, causaita causaicamanmi.
14Israelcunata, chai cucha chaupita yalichij Diostaca alicachinami canguichi.
Paipaj ninan juyaica, causaita causaicamanmi.
15Faraonda, paipaj macanajuj runacunandi,
Puca Cuchapi quilpashpa chingachij Diostaca alicachinami canguichi.
Paipaj ninan juyaica, causaita causaicamanmi.
16Pai agllashcacunata, jichushca pambata michishpa pushamuj Diostaca alicachinami canguichi.
Paipaj ninan juyaica, causaita causaicamanmi.
17Jatun mandajcunata tucuchij Diostaca alicachinami canguichi.
Paipaj ninan juyaica, causaita causaicamanmi.
18Ninan ushaita charij, jatun mandajcunatapash tucuchij Diostaca alicachinami canguichi.
Paipaj ninan juyaica, causaita causaicamanmi.
19Amorreo gentecunata jatun mandaj Sehón runatami huañuchirca.
Paipaj ninan juyaica, causaita causaicamanmi.
20Basán llactata jatun mandaj Og shuti runatapashmi huañuchirca.
Paipaj ninan juyaica, causaita causaicamanmi.
21Paicunapaj alpacunatapash quichushpami, chaupishpa cararca.
Paipaj ninan juyaica, causaita causaicamanmi.
22Paipajta ruraj Israelcunamanmi, alpacunataca paicunapaj cachun cararca.
Paipaj ninan juyaica, causaita causaicamanmi.
23Ñucanchi llaquilla cajpica, Paimi ñucanchita yanapajun.
Paipaj ninan juyaica, causaita causaicamanmi.
24Ñucanchitaca, fiñajcunapaj maquimandami cacharichirca.
Paipaj ninan juyaica, causaita causaicamanmi.
25Paimi, tucui causaita charijcunamambash, micunata caramujun.
Paipaj ninan juyaica, causaita causaicamanmi.
26Jahua pachapi causajuj Taita Diostaca alicachinami canguichi.
Paipaj ninan juyaica, causaita causaicamanmi.
Who We AreWhat We EelieveWhat We Do
2025 by iamachristian.org,Inc All rights reserved.
