1Sion pueblotaca, Diospajlla lomapimi shayachishca.
2Mandaj Diosca, Sion pueblo pungucunataca ninandami juyan.
Jacobpaj miraicuna causanajuj, chaishuj pueblocunatapash yalimi juyan.
3Taita Diospajlla pueblolla,
candaca alicachishpami cashna ninajushca: Selah
4“Rahab shuti, Babilonia shuti llactacunapashmi ñucataca rijsin.
Filistea, Tiro, Etiopía llactacunapi causajcunapash,
Sion lomapimi callarishca” ninajunmi.
5Sion pueblomandaca cashnami ninga:
“Caipash, chaipash, chai pueblopimi huacharishca” ningami.
Jahua pachapi causajuj Diosllatami, chai pueblotaca shinlli shayajuchun churanga.
6Mandaj Diosca, shuticunata quilcashpaca:
“Caica, Sion pueblopimi huacharirca” nishpami quilcajunga. Selah
7Shinallata, chaipi candashpa taquijcunapash:
“Ñucanchica, Sion pueblomandami canchi” ninajungami.
Who We AreWhat We EelieveWhat We Do
2025 by iamachristian.org,Inc All rights reserved.