Mudhata Yohaannisii 16 - Kitaaba Woyyuu

Xuwwee Dheekkamsa Rabbii

1 15:5-7 Kanaan maayessa Maleekkota torbaan laagaa guddaa «Deema'aatii mijuu dheekkamsa Rabbii ardii irratti jissaa'a» jedhu mana woyyuu keessaa hennaa bayu dhagaye.

2 Ser. Ba'u. 9:9-10 Maleekkaan duraa dhaqee mijuu xuwwe'ee lafa irratti jisse; worri malkanni bineensaa irra jiruu fi namoota fakii isaatii sagadan, madaa nafa isaanii nyaatutu isaanitti baye.

3 8:8; Ser. Ba'u. 7:17-21; Far. 78:44 Maleekkaan lammeesso'oollee mijuu xuwwe'ee galaana keessatti jisse; galaanni sunillee akka dhiiga nama du'ee ta'e; wonti galaana keessa jiru ka lubbuu qabu maruu hin du'an.

4Maleekkaan sadeesso'oollee mijuu lagaa fi burqaa bisaanii keessatti jisse; isaanillee dhiiga ta'an.

5Maleekkaan bisaaniillee,

«Gooftaa jirtuu fi ka turte,

woyyuu'u! akka kana waan murteessiteef,

ati qajeela'a;

6 18:24; Far. 79:3 Waan dhiiga woyyootaatii fi

raattotaa jissaniif;

Akkasuma dhiiga isaan obaafteerta.

Waan isaan barbaachisuuf!» jedhee yoo dubbatu dhagaye.

7 19:2; Far. 119:137 Waan kennaa irratti dhiyeessan keessaa,

«Ee, Waaqa Gooftaa maraa bulchitu,

murtiin kee dhuga'aa fi sirri'i» jedha'aa hennaa dubbatu dhagaye.

8Maleekkaan arfeesso'oo mijuu aduu irratti jisse; namootallee ibiddaan akka gubdu isi'ii kenname.

99:20-21 Namoonnillee oo'a gudda'aan gubatan. Maqaa Rabbii ka balaa kanniin irratti baallii qabu abaaran; aagii galanii ulfinna isaa hin kennine.

10 13:1-2; Ser. Ba'u. 10:21-22 Maleekkaan shaneesso'oo mijuu teessoo busaaya'aa irratti jisse; mootummaan isaallee hin dukkanoofte. Waan dhiphataniif arraba ufii alanshan.

11Waan hucuucamanii fi waan madaayaniif Waaqa sami'ii arrabsan. Hujii isaanii irraallee deebi'anii aagii hin galle.

12 9:14; Isa. 11:15; 44:27 Maleekkaan jaheesso'oollee mijuu laga guddaa Efraaxis jedhamu irratti jisse. Mootota baya biiftu'uutii dhufan karaan akka isaanii qophaayuuf bisaan goge.

1312:3,9; 13:11; Ser. Ba'u. 8:3 Afaan Jawwe'eetii, afaan busaaya'aatii, afaan raaga sobaatii wonti raacha fakkaatan, ayyaanni battiin sadihii hennaa bayan arge.

1413:13; 19:19 Waan ayyaana jinni'ii ta'aniif malkata godha'aa guyyaa lola guddaa Rabbii waa maraa bulchuutiif wolitti qabu'uuf gara mootota adunyaa maraa dhaqan.

15 3:3,18; Mat. 24:43-44; Luq. 12:39-40; Tas. 1ffaa 5:2; Phex. 2ffaa 3:10; Qor. 2ffaa 5:3 «Ani akka hattu'uu ta'ee dhufa! akka qullaa hin deemne saala isaallee akka hin argine, ka dammaqee uffata ufii eegu ka eebbifame!»

16 Abbo. Mur. 5:19; Mot. 2ffaa 23:29; Zakk. 12:11 Afaan Ibraayisxiitiin gara hulee «Armaageedoon» jedhamutti wol gayan.

17Maleekkaan torbeessoon mijuu qilleensa keessatti jisse; mana woyyuu keessaa laagaan guddaan, «Raawwatameera» jedhu teessoo irraa dhagayame.

188:5; 11:13,19 Laagaan Bakakka'aatii fi gigissaan dhagayamee lafti guddiftee sochoote. Haga namni lafa irratti uumamee jalqabee sochiin akkanaa guddaan sirima ta'ee hin beeku; kun maraa caale.

1914:8,10; Isa. 51:17,22-23; Erm. 25:15 Qachattiin guddoon bakka sadihitti qoodamte. Qachoonni worra Yihuudii hin taanee hin kufan. Baabiloonii guddoon daadhii woyini'ii ta dheekkamsaa jabduu akka isi'ii kennamuuf Rabbiin afo'otti yaadatamte.

206:14 Tulluun bisaaniin marfaman maruu hin dheessan; gaarranillee hin badan.

21Ser. Ba'u. 9:18,23; Mudh. Yoh. 11:19 Baradaan guddaan madaalaan taalentii tokko ta'u Samii irraa namoota irratti bu'e; balaan guddisee waan guddaa ta'eef namoonnillee sababaa balaa barada'aatiin Rabbiin arrabsan.