Kitaaba Faaru'uu 57 - Kitaaba Woyyuu

Faatee Gargaarsa Argachu'uuf FaateffatanWeedduu Daawitii ka bulchaa faarfattootaatiif sagalee «Hin balleessin» jedhuun hennaa Saa'oliin afo'oo dheessee goda keessa ture dhiyaate.

1Garaa naa laafi; Yaa Rabbi garaa naa laafi;

lubbuun tiyya waan si irkoo godhatteef;

kooluu kee jalatti quphadha.

2Ani gara Waaqa waan naa yaade naa raawwatuu;

Rabbii maraa oliititti iyyadha.

3Sami'ii ergee na oolcha;

worra na dhiitan hin salphisa;

Rabbi araara ufiitii fi amanamummaa ufii hin erga.

4Lubbuu tiyya leencaniin marfamteerti;

busaayaa nama cicciran wodhakka'atti kufeera;

kunniin namoota ilkaan isaanii

ebo'oo fi buundhe'ee,

arrabni isaanii guraadee qarame ta'e.

5Yaa Rabbi! samii irratti kabajjami;

ulfinni keellee ardii maraa irra haa guutu.

6Luka tiyya jalatti siiboo diriirsan;

lubbuu tiyyallee gaddaan gad deebisan;

karaa ani lufuun irratti boolla qotan;

garuu ufumaa itti kufan.

7Yaa Rabbi! Garaan kiyya jaba'a;

garaan kiyya hin mamu;

hin weeddisa; hin faarfadha.

8Lubbuu tiyya! dammaqi;

kiraarri ka sagalee guddaa dhageessisuu fi

masiinqoonillee ka'aa'a!

anillee ganamaan ka'aa.

9Yaa Gooftaa'a! banii jiddu'utti

si galatoonfadha;

namoota jiddu'uttillee si faarfadha.

10Araarri kee haga sami'ii waan ol guddateef;

amanamummaan keellee

haga duumessaa ol gayeera.

11Yaa Rabbi! samiiwwan gubba'atti ulfaadhu;

ulfinni keellee ardii maraa irra haa babadhatu.