Kitaaba Faaru'uu 47 - Kitaaba Woyyuu

Rabbi Mootii Adunyaa MaraatiFaaruu Ijoollee Qore'ee ka Bulchaa Faarfattootaatiif Dhiyaate

1Baniin maruu gammachu'uun harka dhayaa'a!

laagaa gudda'aan faarsa'aa

Rabbiin galatoonfadhaa'a.

2Rabbiin Gooftaan ardii maraa irratti mootii ta'ee bulchu

attam nama sodaachisa?

3Inni akka baniin maruu cadhisanii nuu ajajamanii fi

mootonnillee akka nu jalatti bulan godhe.

4Lafa ijoollee Yaaqoobii ta jaalatuu ulfinna taate;

Inni nuu file.

5Rabbi laagaa ililfataatii fi

laagaa xurumba'aatiin ol baye.

6Faarsaa'a Waaqa keenna faarsaa'a!

faarsaa'a mootii keenna faarsaa'a!

7Rabbi ardii maraafuu mootii waan ta'eef

hubanna'aan faarfadhaa'a!

8Rabbi banii irratti mooyeera;

Rabbi teessoo ufii woyyicha irra taa'eera.

9Banii Waaqa Abrahaamii woliin;

bulchoonni bani'ii wolitti qabaman;

mootonni biyya lafaa waan ka Rabbii ta'aniif

Inni ka guddisee kabajjame.