Gara Worra Qorontoosii 1ffaa 13 - Kitaaba Woyyuu

1 14:6-9 Laagaa addaa ka namootaatii fi ka maleekkotaatiinillee yoo dubbadhe, jaalala ammo yoo hin qabaanne, akka sibiila shaka shaka jedhuuti.

2Mat. 17:20; 21:21; Mar. 11:23 Raaga dubbachuu yoo qabaadhe, dhossaa maraa fi beekkumsa maraa yoo beeke, haga gaarran hule'ee kaasutti amantii maraa yoo qabaadhe, jaalala ammo yoo hin qabaanne duwwa'a.

3Mat. 6:2 Hiyyeeyyii nyaachisu'uuf waan qabu maraa yoo qoode, foon kiyyallee yoo ibiddaaf kenne, jaalala ammo yoo hin qabaanne womaa hin fayyadu.

4 Yaq. 3:17 Jaalalti hin obsiti, hin arjoomti, jaalalti hin hinaaftu, jaalalti uf hin jajju,

510:24; Rom. 15:1-2; Filph. 2:4,21 Waan hin taane hin hojjattu, waan ufii hin barbaaddu, hin biibboftu, hin aartu, gadoo hin laakkayattu.

6Rom. 12:9 Dhuga'atti gammaddi malee waan hammeennaa irratti hin gammaddu.

7Mam. 10:12; Rom. 15:1 Maraa obsiti, maraa amanti, maraa abdii godhatti, waa maraa hin ciniinnatti.

8Jaalalti hennaa maraa hin kuftu, raaguun ammo hin hafa, laagaa haarawwaniin dubbachuun hin hafa, beekkumsallee yoo ta'e hin bada.

9Wonti nu beennu hago'o, raaga keessaallee hagoo waan dubbannuuf.

10Inni guutuun yoo dhufe, hagoon sun hin hafa.

11Hennaa ijoolle'ee akka ijoolle'ee dubbadha, akka ijoolle'ee yaada, akka ijoolle'eetitti laakkaya; haga ka'imoome ammo amala kiyya ka ijoollumma'aa dhiiseera.

128:3; Ser. Lak. 12:7; Qor. 2ffaa 3:18; 5:7; Yoh. 1ffaa 3:2 Adha akka waan uf argaa dimimmisaa keessa laaluuti; hennaa san ammo addaata'atti wol argina. Wonti amma beeku hago'o. Hennaa san ammo anillee akkasuma akka beekkame hin beeka.

13 Qol. 3:14; Tas. 1ffaa 1:3; Ibr. 10:22-24; Yoh. 1ffaa 4:16 Yoo akkana ta'e amantiin, abdiinii fi jaalalti sadiin kunniin jabaatanii jiraatan, kanniin maraa ka caalu jaalala.