Kitaaba Faaru'uu 11 - Kitaaba Woyyuu

Rabbiin Hedachuu'uFaaruu Daawitii ka bulchaa faarfattootaatiif dhiyaate

1Ani Rabbiin hedadhe;

Isin attamitti, «Akka simbiraa gara gaaraa dheessi!» naan jettan?

2Ammallee maaf akkana naan jettan?

«Kunoo hammeeyyiin eboo mirmirfataniiran;

garaa nama qajeela'aa dukkanaan iddu'uuf;

buundhee ufii itti qajeelchaniiran.

3Hundeen yoo diiggame

balchaan maal godhuu danda'a?

4Rabbi mana woyyuu ufii keessa jira;

teessoon isaa sami'i;

ijji isaa nama maraa laalti;

nyaarri isaa ilmaan namaa qora.

5Rabbi balcha'aa fi cubbamaa hin qora;

inni worra diddaa jaalatu garuu hin jibba.

6Inni hammeeyyii irratti barbadaa ibiddaatii fi dhagaa roobsa;

hireen mijuu isaanii haboonbolattii nama gubu.

7Rabbi waan balchaa ta'eef

hujii balchaa jaalata;

qajeellonni fuula isaa argan.