Kitaaba Faaru'uu 98 - Kitaaba Woyyuu

Rabbi Bulchaa Adunya'aati

1Faaruu haarawa Rabbii dhiyeessaa'a;

inni waan maalalee godheef;

harki isaa ka mirgaa; irreen isaa woyyuun;

fayyummaa raawwataniiran.

2Rabbi fayyisuu ufii beessise;

banii afo'otti balchummaa ufii mudhise.

3Mana Israa'eliitii jaalala ufii;

amanamummaa ufiillee hin yaadeef;

daangaawwan ardi'ii maruu;

fayyummaa Waaqa keennaa laalaa'a.

4Ardiin maruu Rabbii ililfadhaa'a;

jajuu dhageessisaa'a; gammachu'uu fi faaru'uun

isa galatoonfadhaa'a.

5Rabbii kiraara sagalee guddaa dhageessisu dhaya'aaf;

kiraara sagalee guddaa dhageessisuu fi

laagaa faaru'uutiin isa faarsaa'a.

6Booba'aa fi xurumba'aan;

Rabbii mootii afo'otti ililfadhaa'a.

7Galaanninii fi ka isii keessa jiru maruu;

adunyaanii fi ka isii keessa jiraatu maruu haa huursanii.

8Laggiin harka haa dhayanii;

gaarranillee wol ta'anii haa faarsanii.

9Kunniin Rabbiin afo'otti haa faarsanii;

Inni ardii irratti murteessu'uuf waan dhufuuf;

adunyaa irratti balchumma'aan;

banii irratti dhuga'aan murteessa.