Kitaaba Faaru'uu 101 - Kitaaba Woyyuu

Waadaa Mootichi Rabbiin Wolii GaluFaaruu Daawitii

1Waan araara keetiitii fi waan haqa keetii faarfadha;

Yaa Rabbi! weeddu'uun galata sii dhiyeessa.

2Karaa mudaa hin qabne jabeessee qabadha;

ati yoom gara kiyya dhufta?

mana kiyya keessa

garaa qulqullu'uun jiraadha.

3Ani waan hamaa ija tiyya dura hin kaayu;

hujii worra gantootaa hin jibba;

isaaniin wolii hin galu.

4Yaanni micciiramaan na irraa haa fagaatu;

hammeennaa hulee hin kennu.

5Ani nama dhossa'atti nama hamatu akka cadhisu godha;

nama akka waan gudda'aatitti uf laalu;

ka garaa keessa boonu

isaa hin obsu.

6Akka na woliin jiraataniif;

ijji tiyya amanamtoota ardii irra jiraatan irra jirti;

ka karaa qulqullu'uun deemu;

inni na tajaajila.

7Eennullee namni sobaan;

mana kiyya keessa hin jiraatu

ka soba dubbatu;

na afo'otti ol jedhee hin dhaabatu.

8Hammeeyyii ardii irra jiraatan maraa;

ganama maraa isaan balleessa;

worra hamaa hojjatan maraa;

qachaa Rabbii keessaa

isaan barbadeessa.