Gara Worra Efesoonii 4 - Kitaaba Woyyuu

Tokkummaa Kiristoosiin Woliin Qabnu

1Eeganaa ani ka waan Goofta'aatiif jedhee hidhamaa ta'e, waamsa itti waamamtaniif akka ta'utti akka jiraattan isin kadhadha.

2Qol. 3:12-13 Kasoo ta'u'uun, gara laafumma'aan, obsa maraan, jaalalaan wolii obsaa'a.

3Karaa nagayaatiin tokkummaa hafuuraa eegu'uuf jabaadhaa'a.

4Rom. 12:5; Qor. 1ffaa 12:13,27 Waamamuu keessaniif akkuma hennaa waamatan abdii tokkoon waamamtan mara, qaama tokkoo fi Ayyaana tokko qabdan.

5Yoh. 10:16; Qor. 1ffaa 8:6 Gooftaan tokko; amantiin tokko; cuuphaan tokko.

6Qor. 1ffaa 12:6; Mil. 2:10 Ka waa maraa ol ta'e, ka maraa keessatti hojjatu, ka maraa keessa jiraatu, Gooftaan abbaa namoota maraa ta'e Waaqa tokkochatu jira.

7Rom. 12:3,6; Qor. 1ffaa 12:11 Haa ta'uu ammo akka kennaa Kiristoosiitiin nu maraafuu badhaani kenname.

8 Far. 68:18; Qol. 2:15 Kanaaf, «Hennaa ol baye, boojuu hedduu booji'ee,

namootaaf kennaa kenne» jedha.

9 Phex. 1ffaa 3:18-22; Mat. 12:40; Yoh. 3:13 Kanaafuu, «Ka ol baye» jechuun ka gara lafa gadi fago'ootitti gadi bu'e jechu'u malee maal jechu'uu?

10Ka bu'e kun maraa guutu'uuf ka gara samii samii gubba'aatitti ol bayellee isuma.

11Qor. 1ffaa 12:28; Hu. Er. 21:8; Phex. 1ffaa 5:2 Innillee gari garii ergamtoota, kuuwwan raattota, kuuwwan worra Dubbii Nagayaa lallabu, kuuwwanillee tisse'ee fi barsiisoota akka ta'an kennaa kenne.

12-132:22; Qor. 1ffaa 14:26; Phex. 1ffaa 2:5 Nu marti keenna gara tokkummaa Ilma Rabbii amanu'uu fi beeku'uun argamuutiif gara nama guutuu ta'u'uu haga waan Kiristoosiitiin guuttamuu geennuuf tajaajila woyyootaa hojjatu'uuf qaama Kiristoosii ijaaru'uuf guutuu akka ta'an.

14Qor. 1ffaa 3:1; 14:20; Qol. 2:8; Ibr. 13:9 Akka dogoggora soba fakkeessuu, sababaa soba namootaatiin qilleensa barumsa sobaa maraan asii fi achi daddarbama'aa asii fi achi rarra'a'aa ammaa achi daa'imman ta'uun nuuf hin ta'u.

151:22; 5:23; Qol. 1:18 Haa ta'uu ammo dhugaa jaalalaan qaba'aa, waan maraanuu gara Kiristoosii mataa ta'ee haa guddannuu.

162:21; Rom. 12:4-5; Qor. 1ffaa 12:12-13; Qol. 2:19 Sababaa kanaaf qaamni maruu akka hojjatu ribuun maruu akka hujii isaaniititti woliin wol qabatee jaalalaan uf ijaaruun qaama guddisa.

Jireenna Haarawa Kiristoosiin Irraan Argamu

17 2:1-3; Rom. 1:21-24; Phex. 1ffaa 4:3 Eeganaa worri Yihuudota hin taane akkanumaan sammuu duwwa'aan akka jiraata'aa turan sanitti ammaa achi akka hin jiraanne jedha'aa Gooftaa keessa ta'ee raga.

182:12; Qol. 1:21; Phex. 1ffaa 1:14 Isaan rakkinna wollaala isaaniitiin, garaa jabaachuu isaaniitiin yaanni isaanii dukkanaayee Rabbiin irraallee fagaatan.

19Rom. 1:24-25; Qol. 3:5 Waan qalbiin isaanii dhama'eef battumma'aa fi dhara maraa hojjachu'uun seebaru'uuf dabarsanii uf kennan.

20Isin ammo Kiristoosiin irraa akkana hin baranne.

21Yoh. 1:17 Dhugamaan dhageettaniirtan; dhugaan akka Kiristoosiin keessa jirtu isa irraa barattaniirtan.

22Qol. 3:9 Jireenna keessan ka durii yaada'aa dharraa namummaa moofaa nama sobuu fi nama balleessu uf keessaa balleessaa'a.

23Rom. 12:2 Ayyaana qalbii teessaniitiin haarawoomaa'a.

24Qol. 3:10 Qajeellumma'aa fi woyyummaa dhuga'aan ta'uun namummaa haarawa akka fakkeenna Rabbiitiin uumame uffadhaa'a.

25 Zakk. 8:16; Qol. 3:9 Kanaafuu soba uf keessaa balleessaa'a; nu qaama tokko waan taaneerruuf. Isin martinuu goshoo keessan woliin dhugaa qaaqaa'a.

26Far. 4:4; Yaq. 1:19-20 Lolaa'a! garuu cubbuu hin hojjatinaa'a.

27Yaq. 4:7 Lola keessan irratti aduun akka hin dhiine daabiloosii hiree hin kenninaa'a.

28Tas. 1ffaa 4:11 Ka hate ammaa achi hin hatin; haa ta'uu ammo bikka ka qara hatee, worra jalaa hanqateef waan kennuuf akka argatu harkuma ufiitiin waan mishaa hojjatu'uuf haa dadhabuu.

295:4; Mat. 12:36; Qol. 4:6 Worra isa dhagayaniif badhaadha akka kennuuf akka ka dadhabe jajjabeessitan, dubbii mishaa dubbadhaa malee hamaan afaan keessanii sirima hin bayin.

301:13-14; Isa. 63:10 Ayyaana Woyyuu Rabbii ka guyyaa fayyinnaa saniif ittiin chaappeeffamtan hin gaddisiisinaa'a.

31Qol. 3:8; Phex. 1ffaa 2:1 Biibbayuu, aaruu, loluu, wocuu, nama arrabsu'uu fi hammeenni maruu isin keessaa haa badu.

32Qol. 3:12-13; Mat. 6:14; 18:21-25 Arja'aa fi garalaafeyyii wolii ta'aa'a. Akkuma Rabbi Kiristoosiin irraan isinii araarame, isinillee wolii araaramaa'a.