Kitaaba Faaru'uu 14 - Kitaaba Woyyuu

Hammeenna NamootaaFaaruu Daawitii ka bulchaa faarfattootaatitti kenname

1Raankeen garaa ufii keessatti, «Rabbi hin jiru» jedha;

namoonni akkasii sunniin worra badu;

waan nama jibbisiisaa hojjatan;

isaan keessaa ka waan mishaa hojjatu tokkollee hin jiru.

2Ka waa hubatu; ka Rabbiin soqu

akka jiru laalu'uuf,

Rabbi sami'ii ilmaan namaa gad laale.

3Maruu karaa irraa goraniiran;

wolumatti balla'aniiran;

tokkollee ka waan mishaa godhu hin jiru.

4Worri maqaa Rabbii hin waamne;

worri banii kiyya akka buddeenaatitti nyaatan;

worri hammeenna godhan maruu

beekkumsa hin qabanii?

5Hulee jiranitti naasuun isaan liqimseera;

Rabbi waan worra balchaa jiddu'utti argamuuf.

6Isin karoora hiyyeeyyi'ii balleessuu barbaaddan;

Rabbi garuu irkoo isaaniiti.

7Eentu Tsiyooniin keessaa ka Israa'eliin fayyisu baasa?

Rabbi hennaa boojuu bani'ii deebisu;

Yaaqoob haa gammaduu; Israa'elillee

haa usheexxuu.