Gara Worra Ibrootaa 10 - Kitaaba Woyyuu

1 8:5; 9:9; Qol. 2:16-17 Seerri waan mishaa dhufu saniif gaaddiddu'u malee bifa dhugaa isaatii miti. Kanaafuu wogga wogga'aan hennaa maraa ciincaa dhiyaatu sirima guutuu taasisuu hin danda'u.

2Akkana uduu ta'uu dhabaatee worri waaqeffatan hennaa tokko qulqullaayanii achiin maayii sammuu isaaniitiin cubbuu waan hin beenneef silaa ciincaa dhiyeessuu hin dhiisanii?

3Ser. Lew. 16:21,34 Haa ta'uu ammo ciincaan kun maruu ka isaan wogga wogga'aan cubbuu ittiin qaabatan.

4Isa. 1:11 Dhiinni kormaatii fi ka re'iinii cubbuu balleessuu hin dandeenne.

5 Far. 40:6-8; 51:16; Mik. 6:7; Yoh. 4:34 Kanaafuu hennaa gara adunya'aa dhufe,

«Ati kenna'aa fi ciincaa hin jaalanne,

nafa naa qopheessite.

6Ati kennaa ciinca'aatii fi,

kennaa sababa cubbu'uutiif ciincawu marattuu hin gammanne.

7Hennaa san kunoo anillee,

akkuma wonti kiyya Kitaaba maramu keessatti barreeffame,

Waaqa kiyya,

ani fedha kee raawwatu'uuf dhufeera› jedheen» jedha.

8Kana irratti, «Kenna'aa fi ciincaa gubatu maraa ciincaa sababaa cubbu'uutiif dhiyaatullee hin jaalanne; isattillee hin gammanne» jedhe. Kunniin waan akka seeraatitti dhiyaatan.

9Itti aansee Waaqa kiyya! «Ani fedhii kee guutu'uuf dhufeera» jedhe. Ka lammeesso'oo ijaaru'uuf jedhee ka duraa diiga.

109:12,28; Yoh. 17:19 Akka fedha Rabbiitiin nu foon Yesuus Kiristoosii ka hennaa tokko ciincaa ta'ee kennameen woyyuu taaneerra.

11 Ser. Ba'u. 29:38 Hayyoonni gadootaa maruu guyya guyya'aan tajaajila ciincaa sirima cubbuu balleessuu hin dandeenne saniin hennaa maraa dhaabatee dhiyeessa.

12Kiristoos ammo hennaa tokko ciincaa bara baraaf ta'u haga dhiyeesseen maayessa mirga Rabbii taa'e.

13Far. 110:1; Qor. 1ffaa 15:25 Hennaa san irraa jalqabee haga diintonni luka isaa jala ta'aniif hin eeggata.

14Inni hennaa tokko uf kennee worra woyyooman baraa haga bara baraa guutuu isaan taasiseera.

15Ayyaanni Woyyuun akkasuma waan kana nuu raga;

«Hennaa jiini sun gaye,

waadaan isaan woliin galu kana jedha Gooftaan.

16Seera kiyya isaan keessa kaaya;

laphee isaanii keessattillee hin barreessa» jedhee haga dubbateen maayii,

17 8:12; Erm. 31:34 Itti aansee,

«Cubbuu isaaniitii fi hammeenna isaanii deebi'ee hin qaabadhu» jedha.

18Eega araarri maraaf kenname ammaa achi ciincaan cubbu'uuf dhiyeeffamu hin jiru.

Koottaa Gara Rabbii Dhiyaannaa

19-20 9:8; Mat. 27:51; Rom. 5:2 Eeganaa obboleeyyan tiyya! dhiiga Yesuusiitiin hulee woyyittii woyyootaatitti galu'uuf ugga waan qabnuuf, nu karaa golga jechuun karaa haarawaa fi jiraataa inni foon ufiitiin nuu baneen seenna.

21Hayyicha gadicha guddaa mana Rabbii irratti baallii qabu waan qabnuuf,

224:16; Efe. 5:26; Ser. Lew. 8:30; His. 36:25 sodaa sammu'uu ka dharaa irraa qulqullaayu'uun garaa keenna qulqulleeffannee, nafa keenna bisaan qulqullu'uun dhiqannee, amantii hubanneen garaa qajeelaa'an Rabbitti haa dhiyaannuu.

234:14; Qor. 1ffaa 1:9 Ka dubbii abdi'ii kenne amanamaa waan ta'eef akka hin sochoone ragaa abdii keennaa haa eennuu.

24Jaalalaa fi hujii misha'aaf haa dadammandhuu; wol haa tooyannuu.

253:13; Rom. 13:11-12; Qol. 3:16; Yaq. 5:8 Akkuma kaawwan biratti baratame, wol geettii keennallee akka hin dhiifne, woliin haa mari'annuu malee guyyaa dhufa Goofta'aa qaabata'aa ta qaraa caalaa kana godhaa'a.

26Haga beekkumsa dhuga'aa arganneen maayii beeka'aa yoo cubbuu hojjanne ammaa achi ciincaan waan cubbu'uutiif dhiyaatu hin jiru.

27Isa. 26:11; Sofo. 1:18 Ammaa achi murti'ii fi ibidda sodaachisaa diintota Rabbii balleessu callaa eeggatu'utu hafe.

28Ser. Lak. 15:30; 35:30; Kes. Deb. 17:6; 19:15 Namni seera Muuse'ee tuffate, namni lamaa yookaan sadihii yoo itti rage, gara laafinna malee ajjeefama.

292:3; 12:25; Qor. 1ffaa 11:25,29; Ser. Ba'u. 24:8 Namni Ilma Rabbii tuffate, waadaa dhiiga ittiin qulqullaaye san ka akka batti'iititti laakkaye, ka Ayyaana badhaadhaa arrabse adabbiin maraa caalu isa irratti waan hin taane seetanii?

30Kes. Deb. 32:35-36; Far. 135:14; Rom. 12:19 «Haluun tiyya! ani haluu sii baasa» ka jedhe waan beennuuf, akkasuma «Gooftaan banii ufiititti hin murteessa»

31Harka Rabbii jiraata'aatitti kufuun nama sodaachisa.

32Haga ifni isinii ifeen maayessa hennaa dur rakkinni isin irra gaye san qaabadhaa'a.

33Isin hennaa tokko tokko nama afo'otti arrabamtaniirtan; dhiphattanii hennaa biraallee worra akkana rakkatan woliin rakkattaniirtan.

3413:3; Mat. 6:20; 19:21,29 Qabeenna caalu sami'itti isinuu akka qabdan beettaniirtan. Hidhama kiyyaaf garaa naa laaftan; qabeenni keessan hennaa fudhatamu obsitanii gammachu'uun laaltan.

35Eeganaa abdii uggiitii keessanii ka gatii guddaa qabu hin gatatinaa'a!

36Luq. 21:19 Fedhii Rabbii raawwattanii, dubbii abdi'ii ka isinii kenname akka argitan obsuu isin barbaachisa.

37 Isa. 26:20; Imba. 2:3; Luq. 21:28; Yaq. 5:8; Mudh. Yoh. 22:12 Kanaafuu, «Hennaa diqqo'oon maayii,

ka dhufu'uuf ta'u,

uduu hin turre dhufa.

38 Imba. 2:4; Rom. 1:17; Gal. 3:11 qajeelaan,

amanti'iin jiraata;

yoo inni gara duubaa deebi'e, lubbuun tiyya isatti hin gammaddu»

39 Phex. 1ffaa 1:9 Nu ammo worra lubbuu ufii hambisu'uuf amane malee, worra gara duubaatitti deebi'ee baduu miti.