Kitaaba Faaru'uu 54 - Kitaaba Woyyuu

Faatee Diina Jalaa Bayu'uuf FaateffatanBarumsa Daawitii bulchaa faarfattootaatiif ka hennaa worri Zeefa'aa gara Saa'olii dhufanii «Daawiti nu biratti dhokateera» jedhanii.

1Yaa Rabbi! maqaa keetiin na oolchi;

hunna keetiin naa murteessi.

2Yaa Rabbi! faatee kiyya naa dhagayi;

dubbii afaan kiyyaa naa caqasi.

3Nyaaphni waan natti ka'aniif;

hammeeyyiin lubbuu tiyya barbaadaniiran;

Rabbiin woyittuu hin laakkofne.

4Kunoo Rabbi gargaaraa kiyya;

Gooftaan irkisee na qaba.

5Worra na marsan hammeenni isaanii isaanumatti haa deebi'u;

Ati dubbii keetiin waan amanamaa taateef isaan balleessi.

6Ani fedha misha'aan ciincaa sii ciincessa;

Yaa Rabbi waan mishaa ta'eef

maqaa keetii galata dhiyeessa.

7Rakkoo maraa irraa waan na oolcheef;

ijji tiyyallee kufaatii diintota tiyyaa

arguu dandeetteerti.